قام محمد عبد الوهاب شقيق النجمة شيرين عبد الوهاب بكشف حقيقة الأخبار المتداولة عبر مواقع التواصل الاجتماعي بشأن نقلها بسيارة اسعاف كما تردد .
فكتب محمد عبد الوهاب عبر حسابه ب" فيس بوك "اقسم بالله العظيم 90% من الأخبار مغلوطة وغير صحيحة تماما والناس اللي بتاجر بيها في البرامج والمداخلات، محدش ساعد غير اتنين أحمد سعد وزينة بس ومحمود الليثي كان كل يوم عندها".
وأكد أيضا محمد عبد الوهاب شقيق شيرين عبد الوهاب: "أحنا بقى بعيد ليه عشان اللي انته شايفينه ده حياتها عبارة عن حرب احنا لما تدخلنا في سنة 2022 من اربع سنين اتقال علينا ايه اننا نهبناها ومستفدين وناس وحشين طيب ماشي نجحوا انهم يبوظوا علاجها، وبعد أربع سنين ناس تانيه غيرنا أهم فنانين ومعروفين وملهمش مصلحة اللي بيدور معاهم جابوا كل تاريخهم القديم ودول كذا وكذا وإزاي دول اللي يعالجوها مين بقي اللي ليه مصلحة يطلع يشوه الناس دي زي ما شوهنا من قبلهم واللي طالع يقول مش صح انها تروح بيت صحبها كله بيتاجر عرفت منين حضرتك أنها راحت عندها ومتاكد جدا ".
وأضاف محمد قائلا "زينة عدت عليها يوم قالتلها أنا حاسه اني تعبانه قالتلها المستشفي أهي قريبه يلا بينا راحت واطمنت عليها وهما هناك الدكاتره طلبت منظار خدت بينج وماكنتش قادرة تركب العربية خدوها بسيارة إسعاف لحد بيتها دي كل الحكاية.
وتابع " الصحفيبن بتوعنا بقي عرفوا ازاي عشان بيجندو ممرضين في معظم المستشفيات.. تشوف حد مشهور عرفني بس وليك الحلاوة بس وكله بقي كتب وألف علي مزاجه، ليه بقي تحديدا الاتنين دول واقفين جنبها بجد عشان دول عشرة العمر، نعرف بعض من قبل ما حد فيهم يبقي معروف من زمان عشره وستر وغطا وحاجات كتير أوى أي حد تاني بقي كله بيتاجر بيها الناس دي بقي دلوقتي هتزعل مني جدا عشان ماكانوش عايزين حد يعرف أي حاجة عشان ميتفهموش غلط".
انتشرت أخبار كثيرة عبر مختلف مواقع التواصل اليومين الماضيين أنه تم نقل شيرين عبد الوهاب بسيارة اسعاف من منزلها لمنزل النجمة زينة وشقيقتها بسبب تدهور حالتها الصحية والنفسية .
.jpg)
