كشفت منذ قليل النجمة الشابة ملك زاهر ابنة النجم أحمد زاهر عن تفاصيل الأزمة الصحية التي تعرضت لها وأدت لتواجدها باحدى المستشفيات ، وذلك عبر حسابها الرسمي ” انستجرام” .
فكتبت ملك زاهر عبر ستوري انستجرام قائلة” “عمري ما بنزل غير الحاجات اللذيذة أو الهزار أو أي حاجة إيجابية، ولما كنت بنزل حاجة سلبية كانت بتبقى من وراها هدف، وغالبا كنت باخدها بهزار بيني وبين صحابي”.
أضافت “بس بجد حاسة إن الفترة الأخيرة بيجيلي كومنتس كلها إنتي عايشة ومبسوطة واحنا مش عايشين، وإيه كل اللي انتو فيه وحاسة إن في الناس بصة على أتفه الحاجات اللي ممكن تكون عندي بتبسطني، زي مثلا إني أنزل أروح الجيم أو أخرج مع صحابي أو يكون شكلي حلو وأنا رايحة إيفينت معين”.
وتابعت “حبيت بس أقولكم إن الحياة مش وردي أنا بقالي 3 أيام تعبانة شوية وعندي حاجة لحد دلوقتي مش فاهمين سببها وجت فجأة، وفي حوالي نص ساعة قبلها كنت زي الفل، ومن ساعتها مش عارفة أنزل أو حد يشوفني بالي أنا فيه ده ونفسيتي وحشة أوي، أنا بحكى الكلام ده عشان تعرفوا بس إن حياتي فيها الحلو والوحش، والله زى أى حد بس أنا بحب دايما أشير الحلو بس وغالبا ده غلط فقررت أشارككم”.
واختتمت ملك زاهرقائلة “كمان الوحش ومع إن اللي بيحصلي دلوقتي أنا بحمد ربنا عليه وعارفة إنه بإذن الله هيكون حاجة بسيطة وإن شاء الله هخف وكله هيكون تمام، بس الهدف من الاستوري دي مش إن أي حد يقلق لأن الحمد الله أنا هو مخلى نفسيتى وحشة أوى، حقيقي كل اللى طالبة أنكم ماتحكموش على حد من السوشيال ميديا أو من ظهوره فى أى حاجة لأنها بتورى بس يمكن 20٪ من حياته، ادعولي أخف بسرعة وشكرا، وأنا تمام مافيش حاجة مقلقة أنا بس حسيت إنى محتاجة أشارك الوحش زي ما أنا بشارك الحلو مش أكتر”.
