قال الرئيس عبدالفتاح السيسي، إن ميكنة قطاعات الدولة بالكامل تقضي على الفساد ومعاناة المواطن، مؤكدا أن ذلك يهدف إلى التسهيل على المواطنين، والسيطرة على حركة دخول المنافذ المصرية.
وأضاف السيسي خلال زيارته ميناء الإسكندرية : “قلت للدولة من 3 أو 4 سنين ممكن تقدروا تعملوا ميكنة كاملة لكل الأنشطة لتحييد العمل البشري وإجراءاته، وعايزين 100 مليار جنيه، فحد يقولي 100 مليار جنيه تدفعهم في الميكنة، أقوله أيوة.. خلوا بالكم حق دولة زي مصر، حجم العمل لو مميكن ميكنة كاملة، كتير من الحاجات اللي بتعانوا منها وبتشوفوهوا مش هتبقى موجودة”.
وتابع: “لو في فساد عايزين توجهوه بجد مش هينتهي غير بكده، والبشر ميتعملش غير مع مكن، سواء المواطن أو الموظف، لأن مفيش اتصال مباشر بالموضوع”.
وواصل السيسي: “النقطة دي بالذات بتكلم فيها ليه؟ لأن احنا لما اتكلمنا ما دام النظام ده موجود في العالم، ما يدخلش عندنا ليه؟ اللي هو بيخاطب الشركة وما بينه وبين الشركة المصدرة والقائم بعملية الاستيراد، يبقى هو يبعلتي الشحنة قبل ما تتشحن من أصله بدل ما تيجي تتحط عندي في الميناء وتتساب وأنا اللي أتحمل المسئولية، لا لا.. البضاعة قبل ما تتشحن من البلد المصدر، لازم يخاطبني عشان مش هتخش.. وبالمناسبة مش هديله موافقة بالدخول أصلا”.