تحدث الرئيس عبد الفتاح السيسي خلال كلمته في إطلاق المشروع القومى لتنمية الأسرة المصرية عن انخفاض مرتبات المصريين، مؤكدا أن هذا الكلام لا يمكن يقوله أحد في موقعه.
وقال السيسي: “فيه أم عندها طفل ولا طفلين.. تقدر تقعد كل يوم ساعتين للرعاية.. احنا اختزلنا العلاقة.. بخليها تشتغل تساعدنى علشان نأكل.. المرتبات فى مصر مرتبات دنيا.. هو حد يقول الكلام ده في الموقع اللى أنا فيه.. ايوه مرتبات دنيا ومنخفضة… هو أنا السبب؟”.
وأضاف السيسي: “عاوز أدي المواطن 30 ألف جنيه.. طب إزاى تعملوها إزاى”.
وتابع الرئيس: لما قولنا كشف طبي قبل الزواج.. طب مش من غشنا فليس منا.. قسيمة الزواج الكشف الطبي ده آى كلام.. والطفل يطلع أي كلام.. انت مشارك في القضية.. انت السبب.. أنت ظالم.. وقصرت معاه.. لازم تعمل الفحص الطبي.. وتقف الأسر عليه.. في النهاية الطفل خدنا بالأسباب في علم الدنيا والتطور.. نعمل الفحص ده.. ياترى بنعمل كده.. ولو راجل عنده بنت 12 سنة وعاوز يجوزها.. هو إحنا كده بنعرف ربنا.. هو كده حلال.. إحنا شعب متدين بالفطرة.. هو كده حلال.. بنتي عندها 14-15 سنة أخليها تواجه الكلام ده؟”.
وواصل السيسي: سن الزواج لازم يكون له مدة.. أوفر للشاب والفتاة مدى.. احنا مش بنضيق عليك.. إحنا شايفين وخايفين.. والشوف بيخليك تفهم.. اللى بيفهم أكثر بيتعذب أكثر واللب مش بيفهم مرتاح”.
وانطلقت اليوم بحضور الرئيس عبد الفتاح السيسي، فعاليات إطلاق المشروع القومي لتنمية الأسرة المصرية.