قال الرئيس عبدالفتاح السيسي رئيس الجمهورية، إن الكلام اللي قاله نور في الفقرة الفنية صدقوني كل الجيش والشرطة بيقولوه كل يوم لأنهم عايشين حالة محتملة للشهادة .. هما عايشين فكرة الشهادة وكده وبيقولوا الكلام ده مقبل غير مدبر والسلاح في أيدي وأموت وهي تعيش ولو أنتم روحتوا شوفتوا الوحدات دي سواء في مصر أو جوه سيناء هتلاقوا الكلام ده حقيقي.
جاء ذلك خلال الندوة التثقيفية للقوات المسلحة بمناسبة الاحتفال بيوم الشهيد.
وأكد السيسي خلال مداخلته بعد انتهاء الفقرة الفنية بمشاركة عدد من الفنانين أن الشئون المعنوية سواء في الجيش والشرطة لو جابت القصص الحقيقية لكل شهيد هتلاقوا كنز من الوفاء والإنسانية ، واللي ممكن يقدم للناس هيلاقوا بيوت متوسطة ويمكن أقل من المتوسطة معندهومش غير نفسهم يقدموه.
وأضاف السيسي : عيشتونا في الحقيقة اللي بتعيشها أسر كتير بتقدم ابنها شهيد أو حتى مصاب والعمل الدرامي دائما بيعطي فرصة بنا تسجيل وقائع لا يعيشها أغلبنا ولكنها تدخل كل بيت ويشوفوا الناس دي قد إيه الثمن اللي دفعوه بعد ما الأسر دي بعد ما ربت و كبرت و علمت وضحت وقدمت وبعدين قدموا شهيد أو مصاب بعد ما كانوا ملوا الدنيا وهو برضه ملو الدنيا شهيد أو مصاب.
وتابع السيسي : فراق الابن والأب صعب جدا ، ويا مصريين الفقرة الفنية دي بتورينا قد إيه في ثمن كبير أوي ادفع عشان عشان احنا كلنا نعيش أقل ثمن ندفعه هو الحفاظ على اللي ضحوا من أجله من جيش وشرطة وقضاء وحتى المواطنين العاديين.