جريدة المال - أول رد صريح من خالد يوسف على "الفيديو الإباحي": تبصقون على الفن
أسعار العملات
أسعار الدولار بالبنوك
سعر الشراء سعر البيع البنك
17.60 17.70 بنك مصر
17.60 17.70 البنك الأهلي المصري
17.60 17.70 بنك القاهرة
17.60 17.70 بنك الإسكندرية
17.60 17.70 البنك التجاري الدولي CIB
17.60 17.70 البنك العربي الأفريقي
17.59 17.73 البنك المركزى المصرى
أسعار الذهب
متوسط أسعار الذهب بالعملة المصرية
السعر بالجنيه المصري الوحدة
649.00 عيار 21
556.00 عيار 18
742.00 عيار 24
5192.00 الجنيه الذهب
اسعار السلع
اسعار السلع الاساسية بالجنيه المصرى
السعر بالجنيه المصري السلعة
9.00 الارز
14.00 الزيت
9.00 السكر
10.00 المكرونة
8.00 الدقيق
3.75 الشاي 40 جم
105.00 المسلى الطبيعي
38.00 المسلى الصناعي
35.00 الفراخ البلدي
28.00 الفراخ البيضاء
45.00 ديك رومي
45.00 بط
30.00 سمك بلطي
50.00 سمك بوري
60.00 سمك مكرونة
150.00 جمبري
80.00 كابوريا
140.00 لحم بتلو
120.00 لحم كندوز
130.00 لحم ضاني

لايف

أول رد صريح من خالد يوسف على "الفيديو الإباحي": تبصقون على الفن

خالد يوسف 6999
خالد يوسف 6999
خالد يوسف 6999

المال- خاص

نشر المخرج خالد يوسف بيانا عبر حسابه على موقع التواصل الاجتماعي "فيس بوك"، ردا على "الفيديو الإباحي" الذي جرى تداوله له مع الفنانتين شيما الحاج ومنى فاروق، والذي أثار جدلا كبيرا خلال الفترة الماضية.

وجاء نص البيان كالتالي:

ياترى هتعمل إيه وسائل الإعلام في أقوال البنات المثبتة في التحقيقات الرسمية للنيابة اللي ما فيهاش حرف من الأساطير اللي قعدوا ينشروها ويأكدوها ويعيدوا التأكيد عليها ويزنوا ليكون حد ما وصلوش الخبر بإن أنا اللي كنت بصور البنات تحت التهديد وببتزهم كمان بالفيديوهات دي وأضافوا كمان إن البنات قالوا إنهم كانوا سنهم صغير يعني أقل من ١٨ سنة.

‎عملولي شوية تهم كده أخدلي فيها تأبيدة على الأقل ولما اطلعت على التحقيقات حزنت وقولت ياريت كان البنات قالوا كده وكان الاعلام صادق في نقل اللي قالوه لكن اكتشفت إن كل اللي نقلوا الكلام في الإعلام ده مجرد مخبرين مش صحفيين ببلاط صاحبة الجلاله وإنهم فقط بيكتبوا ما أملوه عليهم والمحزن والمؤسف (وده سبب هذه البوست لأني مأجل كلامي كله شويه وها أقولكوا في الآخر ليه) المحزن إنهم يحطوا على لسان البنات إنهم قالوا (أيوه عملنا كده لأن محدش بيمثل من غير ما يعمل كده مع المخرج أو المنتج وكل اللي مثلوا قبلنا عملوا كده).

‎يامن تعتبرون أنفسكم صحفيين ألم يكن في إمكانكم أن تراجعوا سادتكم في هذه الجملة البسيطة فقط ولا بيعتبروا أنفسهم آلهة ماينفعش تناقشوهم

‎ألا تدركون أنكم تبصقون على الفن المصري كله وتحولوه لوسط داعر ومنحل.. عايزين تصفوني أنا وتقضوا عليا طاعة لأسيادكم.. ماشي.. أنا قلت إني ها احتمل ومعي زوجتي وأولادي وعيلتي صابرين على الأذى لأنه قدرنا لكن توصموا الفنانات كلهم والوسط كله.

والله إنكم تجهلون ما تقترفوه ولا تدركون قيمة الفن المصري ولا حتى قيمة مصر نفسها.. مادام البنات مجابوش سيرة الفن والعمل بالتمثيل وقصروا أقوالهم على إنهم كانوا متجوزني عرفي وإن المجرم هو اللي نشر الفيديو وبما انكوا مالكوش هدف غير تصفيتي أنا يبقى كان لازم تركزوا على أفعالي طبقا لأقوالهم وتتهموني بإني مجنون ومريض ومجرم كمان وأنا اللي نشرت مثلا.. ليه بقى تقحموا الاشتغال بالفن في الموضوع.. هل أسيادكم قالولكوا شوهوا ضمن ماتشوهوه سمعة الفن المصري نفسه.
 
‎ما أحقر أن تضرب مهنة الإعلام بعرض الحائط بكل قيمها وثوابتها وتساهم بهذا الشكل المنحط في تحقير الفن المصري وكل من يعمل فيه.

انا مأجل كلامي في موضوعي وتفاصيله لغاية ما أشوف بس هو ناويين يكيفوها إزاي ويوصلوها لفين وإيه أخرتها لأنهم بيقولوا إن مش دي القضية الوحيدة ولا دول البنات الوحيدين وإن عندهم فيديوهات لميتين فنانة (من ضمن برضه التشويه الموجه للفن). 

فعايز بس أعرف التهم اللي هاتوجه ليا هاتوصلني للمؤبد زي ما قالوا في الأول ولا بس عايزني أعترف بعدة زواجات عرفية كده على شوية علاقات كده من اللي قلبك مايحبهمش ولو عملت كده يبقى كفاية عليك كده ياعم خالد شوهناك ودمرنا نفسية أهلك وعيلتك والمحيطين بيك وعملنالك فضيحة بجلاجل وسلمناك تسليم أهالي للمجتمع وقيمه وماحدش هايقتنع بكلامك تاني وعارض بقه #تعديل_الدستور ولا ماتعارضش براحتك.. المشكلة ان اللي غايظهم قوي وبرغم كله اللي عملوه ان الناس لغاية دلوقتي لسه بتصدق كلامي حتى اللي مش مقتنع ببرائتي الاخلاقية مقتنع بإني عمري ما نافقت سلطة ووقفت قبل كده قصاد أنظمة وماهمنيش ولا ممكن يهمني من أي بطش ولا تنكيل لأي نظام مهما كان إجرامه 
‎عموما ده مش موضوع البوست ده.

‎كل رجائي لوسائل الإعلام التي تفهم قيمة رسالتها ولا يتلقوا أوامر -على قلتهم وندرتهم - أن يتحروا الدقة ليس فيما يسيئ لي لأن ده فقدت الأمل فيه لأن اللي مكسوفين منهم مما يحدث بيعتذرولي في رسايل وبيقولولي الموجه عالية قوي اعذرنا، أرجوهم أن يتحروا الدقة فيما قد يسيئ لأي معني نبيل في حياتنا وعلى رأسها قيمة الفن والفنانين المصريين ولا تشركوهم أبدا في معركتي ولا يلوث أحد منهم أو يطاله رذاذا من هذه المعركة.
بوابة جــريدة المال 2017 جميع الحقوق محفوظة