السيسى : اللى عمل فى سوريا كده هو شعبها

قال الرئيس السيسى خلال الندوة التثقيفية الـ 31 بمركز المنارة بالتجمع الخامس ، التى نظمتها فى قاعة المنارة بعنوان: ” أكتوبر إرادة وتحدى ” مذكرا الشعب المصرى بالأزمة السورية : مين اللى عمل ده فى سوريا وادى للتدخل فى شمالها ؟ اللى عمل كده فى سوريا هو شعبها …

فيه كيانات وفيه نظام وفيه دستور ألجأ له ، لكن لا تسيىء إلى مؤسسات بلدك من أول مؤسسة الرئاسة إلى أى مؤسسة أخرى .. كله يزول إلا أن مصر تزول .. كلنا نزول إلا مصر .

وأضاف الرئيس السيسى إذا كان أمن الـ 100 مليون مرتبط بيا أنا .. يااه .. أنا أرخص تمن ممكن أقدمه .. إنما انتم 100 مليون إنسان وإنسانة من سن يوم لحد ما شاء الله فوق ، ممكن من غير ما تقصدوا ولا تعرفوا .. تضيعهم.. اللى يهمنى فى القضية دى ربنا ادانا نموذج شوفوه .. هنا وهنا ماحصلش تدخل مباشر ، إنما من داخل الدول .

اللى تدخل فى واللى ممكن ييجى يتدخل فى مصر لن يحدث ذلك إلا بضعفنا .. لكن بقدرة الجيش المصرى ده .. مايصحش أقول كده والله .. والله لا يستطيع أحد .. طب حد يفكر كده يقرب من مصر.

وكرم الرئيس عددًا من أبطال ، وقال إن الجيش المصرى يخوض حاليا حرباً ضد الإرهاب منذ 6 سنوات ، وهى حرب شبيهة بحرب الاستنزاف بعد هزيمة 67.

وشهد الندوة عدد من رجال الدولة، والإعلاميين، والفنانين، ورجال الدين، وأعضاء مجلس النواب، وقيادات القوات المسلحة، فضلا عن حضور ، والمشير محمد حسين طنطاوى ، والدكتور أحمد الطيب شيخ الأزهر.