أقسم الرئيس عبد الفتاح السيسي، مساء الأربعاء، إنه وقته في خدمة البلد مزدحم للغاية ولا يجد متسعا لافتتاح مشروعات تسعد المصريين.
جاء ذلك في تعليق الرئيس في نهاية جلسة “اسأل الرئيس” التي أقيمت على هامش مؤتمر الشباب السابع الذي انعقد بالعاصمة الإدارية.
وقال السيسي ناصحا الحضور: “كل ما تضايقوا .. اشتغلوا اكتر .. كل ما تشتكوا من حاجة اشتغلوا اكتر .. كل ما حد يطول لسانه عليكم ما تردوش عليه .. اشتغلوا اكتر .. كل ما حد يتآمر عليكم ماتضيعوش وقت معاه”.
وأضاف: “تصوروا إن أنا مش لاقي وقت لافتتاحات تسعدكم، والله العظيم إحنا ما لاقيين وقت لمشروعات تسعد المصريين وتبينلهم إننا ماشيين بشكل جيد .. وأنا بقول أنا مستعد من يوم الجمعة أروح اعمل افتتاحات”.
وتابع: “حجم العمل والإنجاز اللى بيتم في الدولة كبير وإحنا حققنا في سنين عمل إنجاز غير مسبوق لكن المطلوب ضخم جدا وإن شاء الله هتشعروا بكدا العام المقبل في مجالات زي النقل والمترو”.
وكان الرئيس عبد الفتاح السيسى، افتتح مساء أمس الثلاثاء، المؤتمر الوطنى السابع للشباب، والذى يعقد لأول مرة فى العاصمة الإدارية الجديدة حيث يعقد على مدار يومين، الثلاثاء والأربعاء، بمشاركة نحو 1500 شاب من مختلف محافظات الجمهورية.