علق الفنان أحمد زاهر على الأزمة الصحية التي تعرضت لها ابنته "ملك" الساعات الماضية والتي أدت لدخولها المستشفى لتلقي العلاج اللازم حسبما كشفت ملك عبر حسابها الرسمي " انستجرام" أمس حيث كتب عبر ستوري على حسابه "انستجرام" اليوم " قائلًا "يارب أنت الشافي يارب" .
وكشفت ملك أحمد زاهر تعرضها لأزمة صحية صعبة أدت لنقلها للمستشفى عبر حسابها الرسمي " انستجرام" وقامت بنشر صورتها من داخل المستشفى وعلقت قائلة "عمري ما بنزل غير الحاجات اللذيذة أو الهزار أو أي حاجة إيجابية، ولما كنت بنزل حاجة سلبية كانت بتبقى من وراها هدف، وغالبًا كنت باخدها بهزار بيني وبين صحابي، بس بجد حاسة أن الفترة الأخيرة بيجيلي كومنتس كلها إنتي عايشة ومبسوطة واحنا مش عايشين، وإيه كل اللي انتو فيه".
وأضافت "حاسة إن في الناس بصة على أتفه الحاجات اللي ممكن تكون عندي بتبسطني، زي مثلا إني أنزل أروح الجيم أو أخرج مع صحابي أو يكون شكلي حلو وأنا رايحة إيفينت معين، حبيت بس أقولكم أن الحياة مش وردي أنا بقالي 3 أيام تعبانة شوية وعندي حاجة لحد دلوقتي مش فاهمين سببها وجت فجأة، وفي حوالي نص ساعة قبلها كنت زي الفل، ومن ساعتها مش عارفة أنزل أو حد يشوفني بالي أنا فيه ده ونفسيتي وحشة أوي".
