قال الرئيس عبدالفتاح السيسي: “إننا لن ننسى أبدًا الشهداء، وكل بيت قدم شهيد أو مصاب لن ننساه، وسنذكره وكل الدعم لأسرهم، لأن مصر عايشة في أمان وسلام بسببهم، فشهداء مصر حافظوا على بلدهم وقدموا أرواحهم فداءً لها”.
وأضاف السيسي، خلال تعليقه على والدة الشهيد عمر القاضي: “باسمي واسم كل المصريين بشكرك وربنا سبحانه وتعالي يتقبل عمر في عباده الصالحين، ويكون زخر ليكي يوم القيامة”.
وخاطب السيسي، أسر الشهداء: “أنا مجبتش حق حد إنتوا اللي جبتوا، أنا محافظتش إنتوا اللي حفظتوا وقبلها ربنا العباد، وكل روح وإنسان قدم نفسه هو اللي حافظ، وأنا بأقر دا عشان كل ناس في مصر تعرف إحنا مش هننسى أبدًا كل بيت قدم شهيد”.
وأضاف: “بشكر كل من ضحوا في مصر، وأؤكد على الشر لسه ما انتهاش، وطول ما الدنيا موجودة سيكون بها شر، ولكن طول ما فيه ناس بتحافظ بيبكون فيه ثمن وصعب وقاسي، ولكنه ثمن استقرار 106 ملايين مصري، والضيوف، ليصبح أمان 120 مليون شخص”.
وتابع: “الضنا غالي أوى لكن شوفوا الأم قدمته إزاي، وشوفوا دا وحافظوا على بلدكم”.
ونظمت وزارة الداخلية، اليوم الأربعاء احتفالية بمناسبة ذكرى عيد الشرطة الـ73، من داخل مقر أكاديمية الشرطة، بالتجمع الخامس في القاهرة الجديدة، بحضور الرئيس عبدالفتاح السيسي، ولفيف من قيادات الدولة والشرطة.