وزير النقل : هعزي أهل متوفي حادث القطار وبعتذر لهم وبشد على إيدهم (فيديو)

قال ، كامل الوزير، إنه سيقوم بتعزية الشاب ضحية حادث القطار اليوم، مؤكد أن الوزارة لن يبقي بينها شخص يتسبب في وفاة مصر.

وزير النقل : إحنا جايين علشان نخدم أهالينا كلهم

وفي مداخلة مع الإعلامي أحمد موسي، عبر برنامجه “على مسؤوليتي” أضاف : “لن نقبل أن يبقى ما بينا في وزارة النقل كلها وفي السكة الحديد واحد يخطئ أو يتسبب في وفاة أي فرد في الشعب المصري”.

وأضاف: “إحنا جايين علشان نخدم أهالينا كلهم، وهما شافوا من أول يوم بنعمل إيه”.

وقال “إحنا بنأمن الركاب مهتمين جدا بسلامتهم بنضف المحطات وبنصلح القطارات وبنحاول نقدملهم خدمة متميزة بنجيب عربات الجولف كار علشان توصل كبار السن من المحطة لحد جوا”.

وتابع: “أنا اللي بحاسب بمنتهى الشدة أي سواق يتأخر أو يخطأ أنا مش ببرر اللي حصل النهاردة”.

خطأ فردي

وأكد أن “اللي حصل النهاردة خطأ فردي وسيحاسب بمنتهى الشدة والقسوة”.

وقال: “إننا ما نقبلش كده على أهلينا وإخواتنا حتى لو مادفعش تذكرة حتى لو مش عايز يدفع التذكرة”.

وأضاف: “تعليماتنا واضحة إنه يأخده يعمله محضر ويسلمه لأقرب نقطة محطة.. سيحاسب”.

وتابع: “الأول الناس قالوا إن الاتنين أطفال، لا مش أطفال كبار 33 سنة، وده مش مبرر”.

وسرد القصة قائلا: “راكب من إسكندرية وهو عارف أنه قطار درجة أولى فاخر مكيف، لازم يركب بتذكرة”.

وأضاف: “لا دفعوا تذكرة ولا عايزين يدفعوا .. مفيش غرامة عندنا 70 جنيها، 30 جنيه غرامة الدرجة الأولى فقط”.

وتابع: ” سواق القطار أو رئيس القطار .. الطبيعي بيروح يقوله فين تذكرتك .. ويقطع التذكرة ويأخد منه غرامة”.

وجدد الوزير تأكيده على رفض تلك الواقعة قائلا: “ده تصرف فردي لا نقبله ولا نرضاه ولن نسمح بتكراره”.

وأضاف: “من بكرة هنعمل دورات تأهيل وتدريب ودورات علاج نفسي لكل الناس دي علشان يحسنوا التعامل مع أهالينا والجمهور لأننا لا نرضى ذلك”.

وتابع “تلاقيني بكره إن شاء الله في شبرا الخيمة بعزي أسرة محمد عيد المتوفي وبشد على إيدهم وبعتذرلهم بالنيابة عن نفسي وبالنيابة عن وزارة النقل”.

وقال: “دول أهلنا وبشد على إيدهم وهزور المصاب في مستشفى طنطا”.

وأضاف: “رئيس القطار حاليا في النيابة العامة بيتحقق معاه واللي هتقرره النيابة هنفذه بمنتهى القصوى”.

وأصدرت وزارة النقل عن الحادث، أكدت فيه أن شابين امتنعا عن دفع الأجرة، قاما بالنزول من القطار أثناء سيره، ما أدى إلى سقوط أحدهما أسفل عجلاته، وتوفى فى الحال.

وأصيب الآخر، وتم نقلهما لمستشفى طنطا العام، وفق البيان.