قال محمد معيط وزير المالية إن الدولة تمر بظروف استثنائية بسبب جائحة كورونا فرضت واقعا أدى لخسارة كبيرة من الإيرادات في موازنة الدولة وهو ماجعلها تفرض بعض الرسوم لتنمية موارد الدولة رسوم البنزين والانترنت.
وأضاف معيط في مداخلة هاتفية له مع برنامج على مسئوليتي على قناة صدى البلد : أن مصر في أزمة تتطلب انفاق شديد في مجال الصحة رغم عدم وجود إيرادات ضربية من عدد كبير من القطاعات مثل السياحة والطيران ..
وتابع معيط : :ربنا عرفوه بالعقل المجتمع بيطالبك أنك تبطل سلف وفي نفس الوقت بيطالب بزيادة مرتبات ومعاشات، ولازم نكلم بعض بعقولنا مش بكلام بنردده بدون تفكير”.
وقال: “إحنا بنتكلم بالعقل والمنطق، إنت عاوز تقلل عجزك وماتجيبش إيرادات، هتجيب منين؟ عندك قطاعات زي السياحة والطيران كله زيرو، وده واقع لازم كلنا نشارك”.
وأكد أن الزيادات في قانون تنمية الموارد كانت على أكل الكلاب والقطط وعقود اللاعبين والمدربين وبعض السلع في الأسواق الحرة، موضحا ان لجنة الموازنة بالبرلمان رفعت بعض الرسوم عما اقترحته الحكومة.
وقال وزير المالية : “تقديرات خسائرنا قبل أزمة كورونا كان 15 مليار دولار”.
وتحدث وزير المالية عن تضرر كبير بقطاع السياحة قائلا: “النهاردة قطاع السياحة متضرر جدا، كان بيشتغل فيه حوالي مليون على الأقل وكانوا بيدفعوا للدولة ضرائب وتأمينات ولما كان بيشتغل كان بيحول للدولة حصتها في الضرائب والارباح والتأمينات وأنشطة شغالة عليها قيمة مضافة”.
وأضاف: “كل ده مش موجود دلوقتي، وكل تذكرة طيران كانت بتتباع كان عليها ضريبة للخزانة العامة للدولة، دلوقتي مفيش تذكرة بتتباع ولا فيه رسوم مغادرة”.
وتابع متحدثا عن تفاصيل الأزمة قائلا: “النهاردة المحلات والكافيهات اللي كانت بتشتغل وبتدفع قيمة مضافة محدش دلوقتي شغال والسينمات والمسارح وده وده ده الواقع ولازم كلنا نبقى مشاركين فيه ودي ظروف استثنائية لازم كلنا”
وقال: “كام الخسائر ؟ انت بتتكلم في أرقام كبيرة جدا، وإحنا بنحتاط للي مش شايفينه ومش عارفين الدنيا رايحة على فين ومطلوب مننا إنفاق أكتر”.
وأضاف الوزير: “أنت محتاج جانب تتحمل الايرادات المعتادة مش هتقدر تجيبها وبعضها اتخفض وبعضها بتقول أقسطها زي القوانين اللي عملناها لتقسيط الضرائب وتأجيلها ولازم نبقى عقلانيين وعارفين ان فيه قطاعات خلاص ظروف الأزمة مأثر عليه والوضع صعب جدا”.
وأكد على أهمية الحيطة والحذر والتشاور، مطمئنا المصريين بأن حركة الحكومة “مدروسة ومنظمة وقراراتها المجتمع مدرك أنها ماشية في الاتجاه السليم والحمد لله رب العالمين الإمور الإدارة فيها رشيدة جدا”.
وكشف عن بدء صرف الرواتب من يوم الاثنين 18 مايو قائلا: “سنبدأ صرف مرتبات مايو يوم 18 وهنبدأ نوزعهم قبل العيد”.
وأضاف: “موعد صرف المعاشات وزيرة التضامن ستعلن عنها وبالنسبة ليا أنا كوزير مالية بنظم المرتبات وحددنا صرف المرتبات اعتبارا من يوم الاثنين 18 مايو”.