أكد وزير السياحة والآثار خالد العناني، أن إلغاءات الرحلات تخطت 60% ومعدل وصول الأجانب نزل لأقل من الثلث بالتزامن مع إجراءات مواجهة كورونا .
وقال في تصريحات مع الإعلامي أحمد موسي، ببرنامجه “على مسؤوليتي”: “نسبة الإلغاءات لغاية امبارح تخطت الـ 60%”.
واستدرك: “لكن فيه مستجدات حصلت أمس وأول (أمس) ومعظم الدول المصدرة للسياحة منعت السفر نهائيا”.
وأضاف: “رقم وصول الأجانب إلى مصر نزل لأقل من الثلث خلال الأيام الأربعة اللي فات، وأنا شايف غن قرار وقف الرحلات في توقيته”.
وزير السياحة : تم التعاقد مع شركة أجنبية لتعقيم الفنادق والمنتجعات والمراكب النيلية
وكشف وزير السياحة أنه تم التعاقد مع شركة أجنبية لتعقيم الفنادق والمنتجعات قائلا: “هناك شركة أجنبية تم التعاقد معاها وبالفعل بدأت تتواجد علشان تعقم الفنادق والمنتجعات السياحية والمراكب النيلية، بالتسيق مع وزارة الصحة واتحاد الغرفة ووزارة السياحة علشان لما حد يجيلنا بعد كدة نبقى مطمنين ان المكان نضيف تمام”.
وأضاف: “جارالكشف على جميع العاملين في القطاع نطمن إن مفيش حد عيان لأنهم لا يقلوا أهمية عن الضيوف اللي بيجولنا، وهنقف جنب القطاع من خلال سلسلة من الإجراءات اللي هتتم للقطاع وللعاملين في القطاع، والموظفين البسطاء اللي اتدربوا واللي مش عايزينهم يمشوا وإن شاء الله فترة وجيزة وكل حاجة هترجع زي ما كانت. احنا عايزين الموظفين في أماكنهم على نكشف عليهم وعلشان التعقيم”.
وتابع: “النهاردة رئيس الوزراء دعا لاجتماع عاجل للجنة الوزارية للسياحة، علشان ندرس مبادرة لمساندة الصناعة الحساسة جدا، والدولة وتوجيهات الرئيس عبد الفتاح السيسي بالوقوف جنب القطاع سواء السياحة أو الطيران علشان نقف على رجلينا مرة تانية بأسرع وقت ونحافظ على ملايين فرص العمل بشكل مباشر وبشكل غير مباشر”.