أحمد شوقي
تفاعل هاني توفيق، عضو مجلس إدارة يونيون كابيتال، مديرة صندوق المصانع المتعثرة والخبير الاقتصادي، من خلال منشورين على صفحته الشخصية بموقع التواصل الاجتماعي فيسبوك.
بداية قال توفيق، في منشوره الأول، صباح أمس، “#خليها_تصدي.. قطعة غيار ثمنها 50 جنيه استرلينى، المعادل لحوالي 1100 جنيه مصرى، الوكيل بيبيعها بـ4000 جنيه، ولما تقول له إنك عاوز رقم القطعة علشان تجيبها بمعرفتك يرفض طبعًا!!!”.
وأضاف “فعلًا احتكار الوكلاء الحصريين للسلع، والسيارات بالذات، وجشعهم غير المحدود، سواء فى ثمن السيارة أو قطع الغيار زاد عن حده، فأين المسئولون من جهاز حماية المستهلك وجهاز منع الاحتكار وغيرهم، ولماذا لا يقوم الناس باستيراد سياراتهم بنفسهم مثلما كان الحال فى الماضى، ومثلما هو الحال فى كل بلاد العالم؟!!!”.
وتفاعل عدد من رواد التواصل الاجتماعي مع المنشور فقال Magdy Eldawlatly “واضح إنها حاجة فى الجينات العربية نفس الموضوع فى دول الخليج”، فيما قال Ezz El Sherbiny “مش الدولة “تراقب الأسواق” حسب التعبير المستهلك المبتذل اللي محدش فاهمه وبتلم ضرائب؟.. ويولع المواطن”. وقال Amir Beshara “هل تتخيل تغيير زيت ڤيتيس وزيت موتور بل فلاتر وكذلك تيل فرامل أمامى وخلفى وفلتر هواء وتيش أمامى لسيارة مرسيدس وذلك مقابل مبلغ 13000 جنيه”.
واليوم كتب توفيق منشورًا جديدًا جاء فيه “تابع: # خليها_تصدى.. صديق رايح يشترى مرسيدس على الزيرو من التوكيل، قالوا له لازم يشتريها بالتقسيط، ومن شركة محددة، واسمها كونتاكت!! فيه تحكم واحتكار ونطاعة أكتر من كدة. فيه تطنيش وغياب كامل لأجهزة حماية المستهلك ومنع الاحتكار أكتر من كدة!!!”.
وعلق Mohamed Temraz على المنشور بقوله “ده علشان السيارة عليها طلب وفي قائمة انتظار والناس بتدفع فلوس السعر علشان تستلم فوري. البيع بالتقسيط بيخلي الشركة لسه بتملك السيارة لحد الأقساط ماتخلص وبالتالي مايبقاش في حد بيشتري عشان يبيع بسعر أغلى”، الأمر الذي انتقده Ashraf Elibrachy قائلًا “عشان معطشين السوق وما بيجيبوش عربيات كفاية، ده مش تبرير ولا حل مسموح به في أي دولة”.
وعلق Mohamed Sharmy على المنشور بقوله “أولًا: السيارة المرسيدس تحجز بالواسطة فقط أما بدون واسطة ياخدوا صورة بطاقتك ومواصفات السيارة ولا تسأل عن ثمن السيارة أو حتستلهما إمتى ويقولوا لك حنتصل بك ثم لا حس ولا خبر لمدة شهور. ثانيًا: إذا قدر الله لك بشراء سيارة منهم لا بد أن تدفع على الأكثر نصف ثمن السيارة والباقى بفائدة ١٥% على سنة أو أكثر مع حظر البيع خلال فترة التقسيط”.
وقال Hisham Yassin “هو التوكيل ببيع بالتقسيط لمدة ست شهور علشان يمنع المتاجرة بالسيارة زي اللي بشتري عدد من السيارات وبيعهم بأوفر”.