تحدث أحمد حسام ميدو، لاعب الزمالك السابق، عن أداء فريقه خلال نهائي القرن، الذي جمعه أمس الجمعة، مع النادي الأهلي على ستاد القاهرة الدولي، واستطاع الأخير التتويج باللقب التاسع في تاريخه.
كتب ميدو عبر تويتر: «مبروك للأهلي وبقول لجمهور الزمالك إن الزعل طبيعي، لأن الماتش كبير، وتوقيت الخسارة صعب، والظروف كلها وقفت ضدنا، لكن الحمد لله، ولازم نفخر بفريقنا وباللاعيبة».
وتابع: «لازم نادي الزمالك يحافظ على الفرقة دي مع دخول حمزة المثلوثي واتنين لاعيبه كمان هنكسب إفريقيا إن شاء الله الموسم اللي جاي».
وأضاف: «الحكم كان هايل، بس إزاي الڤار مارجعوش للقطة ضربة جزاء بن شرقي اختلفنا أنا وحسام غالي.. وإحنا بنتفرج حسام بيقول فاول على بن شرقي، وأنا بقول إنها ضربة جزاء 100 في الـ100، وطبيعي إن المهاجم يحط المدافع في ضهره مستخدم إيديه، إنما إزاي حكام الڤار مايخلوش الحكم يرجع يشوفها!!».