ندى سلامه : حاولت الانتحار 5 مرات
متابعات :
في مفاجأة سارة لمتابعي مواقع التواصل الاجتماعي، عاودت ندى سلامه عازفة الناي التي ترددت أنباءا عن وفاتها منتحرة، الكتابه على “فيس بوك” مجددا، وقالت إنها حاولت الانتحار 5 مرات في 3 أيام لكنها لازالت على قيد الحياة.
وأثار خبر انتحار سلامه حزنا واسعا بين رواد مواقع التواصل، كونها جاءت في أعقاب عدة حالات سابقه للانتحار بين شباب كانوا يحملون أملا في التغيير عقب مشاركتهم في ثورة 25 يناير.
وفي تدوينتها الجديدة قالت سلامه :” أنا ندي ولسه عايشه لو معني اني بتنفس اني لسه عايشه ، يمكن ده هيكون اطول شئ اكتبه ويمكن يكون آخر شئ اكتبه واهتم للناس فأكتبلهم ، انا حاولت انتحر اكتر من 5 مرات في 3 ايام وكل ده عشان بواجه مشاكل زي اللي الناس بتقابلها بس المشاكل دي كانت اكبر مني ومكنتش عايزه اورط حد فيها لانها كلها مشاكل انا السبب فيها انا اللي عملتها بس كنت جبانه اني اواجها ، احنا عايشين في عالم وسخ ، انا وسخه كمان زي العالم ده ساعات بنستحمل وساختنا بس مبنعرفش نستحمل وساخه العالم ، الموت شئ عظيم ممكن يخلصك من مشاكلك في دقيقه ويخلي كل الناس تسامحك علي كل وساختك ، بس الغريب هما ليه مهتمين بوجود الجسد كله بيدور حواليين جسدك طول ما جسدك موجود هيكرهوك واول ما يختفي هيحبوك ، ان كان الاعتذار واجب فبعتذر للناس اللي مش مهتمه لوجودك ولوساختك بس انت اللي تهمهم في اي مكان ، هتعامل مع مشاكلي وانهيها واخد فرصه جديده للحياه في عالم وسخ من غير ما اكون وسخ ، وفر اي طاقه تفكير هتفكر فيها عني وعن حياتي او عن موتي او عن مشاكلي او عن علاقتك بيا وفرها لحياتك في العالم الوسخ ، ووفر اي محاوله تواصل معايا حاليا ، انا شخص غير جيد لإي شئ في الحياه لحد ما ابقي جيده كفايه لنفسي ، اكرهني او حبني ده مش هيغير شئ في يومك”.