وجه مرتضى منصور، رئيس نادي الزمالك، رسالة إلى باتريس كارتيرون، المدير الفني للفريق، يطالبه بالتركيز مع اللاعبين خلال الفترة المقبلة، من أجل الخروج من دائرة فقد النقاط في دوري أبطال إفريقيا، متمنيًا من الجماهير دعم الفريق خلال مواجهة الوداد.
ويستعد الزمالك لمواجهة الوداد المغربي يوم السبت المقبل في ملعب الأخير، ضمن منافسات الجولة الثالثة من دور المجموعات لبطولة دوري أبطال إفريقيا.
ويسعى الزمالك لحصد أول ثلاث نقاط من المواجهة المرتقبة، بعد تعثره خلال أول مواجهتين أمام بيترو أتليتكو وسجرادا الأنجولي.
وبدأ مرتضى منصور حديثه، خلال مداخلة هاتفية على فضائية الحدث قائلا: «لازم نبقى وراء اللاعيبة والجهاز الفني. وبقول للمرة الـ100 يا كارتيرون أنا لو عاوز أمشيك همشيك من أول يوم جيت فيه».
وأضاف: «أنا اللي جبتك، حسين لبيب ميعرفكش، من فضلك اتقي ربنا زي ما إحنا بنعاملك، هاتلي جنيه متأخر أو دولار ليك».
وتابع: «أي لاعب لا يصلح للعب في صفوف الزمالك سيرحل».
وواصل مرتضى منصور حديثه للمدير الفني كارتيرون: «هو أنت ماسك عليا حاجة؟ اتقي ربنا في التشكيل والخطة اللي بتلعب بيها وكل لاعب في مركزه، ده طلبي أنا والجماهير كلها، والتوفيق في الآخر بتاع ربنا».
وأتم حديثه: «المطلوب من الجماهير تدعم الفريق، مش وقته نزعل من أوباما ومحمد عبدالغني وسيف الجزيري، كلنا واقفين وراء الفريق لحد ما المباراة الجاية تعدي».