قال الرئيس الأسبق حسني مبارك، الثلاثاء، في أول حديث مصور منذ عزله في 2011، إن هزيمة 1967 لم تكن حربا، مؤكدا أنه كان هناك عزما على الانتقام.
مبارك يكشف تفاصيل من 1967 والتحرك للانتقام
وأوضح الرئيس الأسبق في فيديو نشرته قناة عبر يوتيوب باسم أرشيف مبارك، أن “اليوم الاحتفال بذكرى الـ 46 على حرب أكتوبر”.
وأضاف: “يجب أن يعلم الشباب، مدى التضحيات التي قدمها جيل أكتوبر، حتى يمحو آثار الهزيمة، وحتى تستعيد القوات المسلحة ثقتها في نفسها، وحتى يستعيد الشعب ثقته في القوات المسلحة”
وتابع: “نتكلم الأول عن الرئيس (أنور) السادات، هو صاحب قرار الحرب، والنهاردة 6 أكتوبر تاريخ وفاته إحنا بنحييه”.
واسترجع ما حدث في 1967 قائلا: “أولا هزيمة 67 دي ماكنتش حرب، إحنا انضربنا بدون خطة، بدون سابق انذار”.
وأضاف: “على أي حال اللي أنا متذكره إن أنا كنت في طلعة عمليات ورجعت المطار وقالولنا الحالة مية المية”.
وتابع: “يوم 3 يونيو جالنا مندوب من القيادة العامة، بنسأله ايه الموضوع، قالنا عاملين مظاهرة سياسية وبنودي قوات في سينا وقائد الفرقة، ومعندوش فكرة وإن مفيش اي حاجة”.
وأضاف: “الناس قالت عايزين ننزل، قولنا استنوا شوية لان اسرائيل اعلنت تعبئة الاحتياطي .. يعني حاجة كان لازم نحطها في اعتبارنا”
وتابع: “يوم 6 يونيو .. قولت نطلع نطير نمشي الدنيا شوية الطيارين بقالهم مدة مش بيطيرو”.
وقال: “طلعنا 3 طيارات واخترقنا السحب .. ونفاجئ بالكنترول بيقول المطارات بينضرب .. قال هجمو على المطارات”.
وأضاف: “اعمل إيه بقى، اتصلت بالجيوش والقيادة العامة قولتلهم أنزل فين؟ الوادي الجديد قصير وأسوان هننضرب، مفيش غير الأقصر، كنت ماشي بسرعة 1000 نزلت في الأقصر”.
وتابع: “مفيش دقايق والمطار انضرب والمطار كان مليان طيارات ولعت”.
مبارك يتحدث عن صدمة حدثت بعد استهداف المطارات عام 1967
وعبر مبارك عن المشهد آنذاك قائلا: “أصيبنا بصدمة، كانت الساعة 11 أو 12 رجعنا ركبنا القطر وصلنا بني سويف لقيت الحزن رهيب، وفيه مقاتلات انضربت في القنال”.
وأضاف: “الجيش كان بيجري ومفيش خطة انسحاب ولا أي حاجة والمعدات اتدمرت”.
وتابع: “انضربوا فجأة، وابتدت من امتى؟ من قبل ما ما أطلع الساعة 9 إلا ربع وأنا طالع 9 وربع معندناش أي خبر، وصلنا لجيشنا، الناس بقت تجري علشان تعدي القنال”.
وقال مبارك: “بعدين قولنا إيه مفيش حل إلا إن إحنا ننتقم، لأن الشعب فقد ثقته في الجيش خالص لدرجة إن مفيش حد يقدر يلبس رسمي ويمشي في الشارع”.
وأضاف: “قعدنا في المطار شهرين تلاتة محدش بيخرج قولنا لابد من الانتقام ومن هنا جاءت حرب الاستنزاف وحرب اكتوبر”.