أعاد الدكتور مصطفى مدبولي رئيس الوزراء الحديث عن سعر الدولار وسعر الصرف، وقال مؤكدا أنهم لن يقوموا بتكرار الأخطاء السابقة في الاقتصاد.
وقال الدكتور مصطفى مدبولي، إنه يريد التحدث عن ثوابت واضحة واحنا كمصريين نكون عارفين “إحنا لن نكرر الأخطاء السابقة، كنا بنفترض أن ثبات العملة من قوة ومكانة الدولة وما ينفعش نترك العملة للتحرك المرن.. فكانت النتيجة هو إننا نظل متمسكين فترة معينة ثم تحدث مشكلة فنضطر نعمل تعويم ويكون بأرقام كبيرة 30 و40% من سعر العملة، فاتكلمنا على تطبيق سعر صرف مرن، فماذا حدث منذ تطبيقه في شهر مارس؟”
وتابع رئيس الوزراء، “الحركة اللي حصلت في الدولار منذ مارس في حدود ٤٪ أو ٥٪، كنا بنتكلم في 47 جنيها اليوم نتكلم عن 49، وبالتالي ده الشيء المنطقي والطبيعي في الموضوع.
وأوضح : “لما اتكلمت يوم الخميس قولت أنه من الوارد هبوط وزيادة الدولار بشكل طبيعي بنفس النسب .. لما اتكلمنا مع كل الاقتصاديين قالوا اوعوا تنظروا للعملة بنفس الطريقة الماضية”.
وأكد رئيس الوزراء، أن التحرك في حدود هذه النسب هيكون شيء طبيعي ومنطقي .. أن سعر الصرف ينزل ويطلع بنسب في حدود ٤٪ و٥٪ .. بقينا النهاردة في عالم كبير واسع يتأثر كله ببعضه .. لما الدولار بيطلع بيطلع أمام كامل العملات.
بيتقال إن عندنا فجوة هتعملوا إيه؟ .. الصناعة والسياحة وتحويلات المصريين في الخارج.
إحنا كدولة نتحرك نحو الهدف وهو إنهاء الفجوة بين حجم التزامات الدولة وحجم مدخولاتها .. وكل يوم بناخد قرارات تسهل وتيسر كل قطاعات الصناعة والزراعة والسياحة كي تنمو بمعدلات متسارعة.
وأكد أن هناك جهدا كبيرا جدا بيحصل من الدولة في كل القطاعات وكل يوم إن شاء الله في أخبار إيجابية خاصة بالاستثمارات الجديدة.