أكدت الإعلامية لميس الحديدي زوجة الإعلامي عمرو أديب ، مساء السبت، أن الأخير يعاني من آلام مبرحة ويتماثل للشفاء وسيعود لبرنامجه عبر شاشة إم بي سي مصر، وجمهوره قريبا.
جاء ذلك بحسب ما ذكره حساب برنامج “كلمة أخيرة”، الذي تقدمه الحديدي عبر شاشة ON ، في أول تعليق على تفاصيلعلى وقع الثلاثاء الماضي، على طريق محور دهشور، ونقل على إثره إلى أحد مستشفيات مدينة 6 أكتوبر.
لميس الحديدي : عمرو أديب بخير وربنا نجوه بأعجوبة
وقالت لميس الحديدي : “عاوزه أطمن كل الناس اللي بتسأل علي عمرو أديب بعد الحادثة الصعبة اللي تعرض لها مساء الثلاث الماضي”.
وأضافت: “زوجي عمرو أديب بخير الحمد لله وربنا نجاه بأعجوبة الحقيقة، لأن العربيه اللي خبط فيها و اللي وقفت فجأه ، كانت محمله بأنابيب بوتاجاز فكان ممكن تنفجر في أي لحظة”.
وتابعت لميس الحديدي : “الأطباء طمنونا علي زوجي عمرو، لكن هو لسه بيعاني من الام مبرحة غالبا من الكدمات و الردود”.
وقالت: “إن شاء الله عمرو يحاول يرجع لجمهوره قريبا بإذن الله، لكن هو محتاج يستريح شويه علشان يقدر يرجع تاني”.
وأكدت أنه يتماثل للشفاء، بقولها: “أنا طبعا مكنتش هاقدر أنزل الشغل أو أكون معاكم إلا وأنا مطمئنه علي زوجي عمرو أنه بيتماثل للشفاء وأن حالته تسمح إني أسيبه بعض الوقت، ففي مثل هذه الأحداث دوري كزوجة بييجي قبل دوري كإعلامية”.
ووجهت الشكر لكل من سأل عن أديب قائلة: “عاوزة أشكر كل الناس اللي سألوا علينا و عليه من أصغر حد لأكبر حد ، من الجمهور البسيط اللي كان بيبعتلي رسائل ودعوات و شمع في الكنائس لأكبر مسئولين في البلد ،بشكرهم جميعا”.
وأضافت: “بشكر زملاءنا الإعلاميين، الفنانين من كل الوطن العربي، والأطباء اللي كانوا بيكلموني ، ومستشفي دار الفؤاد اللي انقذت عمرو في اللحظات الاولي ، ألفا سكان اللي دايما في ضهرنا، بشكر أصدقائي و أصدقاء عمرو اللي ماسابونيش لحظة واحدة”.
وتابعت: “بعتذر أني ماكنتش بارد علي الاتصالات ، لكن ممتنين جدا لاهتمامهم، وحبهم اللي حسينا بيه”.
وواصلت لميس الحديدي شكرها قائلة: “زي ماعمرو دايما بيقولي- اننا ماكناش بنزرع في البحر .الحمد لله”.
وأضافت : “ساعات وقت الأزمة بيكشفلك عن معدن الناس وعن حبهم وتقديرهم وخوفهم عليك اللي يمكن ما بتحسوش في الوقت العادي”.
4 أشخاص أنقذوا أديب
وأضافت: “هاخص بالشكر ٤ شباب بالاسم لأنهم هم دول اللي نقلوا عمرو المستشفى بعد الحادث مباشره و فضلوا معاه لحد مانا وصلت مباشرة بعد الحلقة يوم الثلاثاء الماضي”.
وتابعت: “الشباب دول أنا صممت أخد أساميهم علشان أشكرهم بنفسي ، فيه لسه ناس محترمه بجد”.
وقالت: “أشكر المهندس مصطفي عزب، د كريم النحاس، د طارق سلامه، المهندسة داليا”.
وأضاف: “الشباب دول انا ماعرفهومش، لكنهم تصادف وجودهم في نفس مكان الحادث ونقلو زوجي المستشفى وكملوا معايا لحد ما اتطمنوا عليه”.
وحذرت من حوادث الطرق قائلة: “شكرًا لكم جميعا، شكرًا لحبكم وخللوا بالكم من الطريق لأن الحوادث بتقع في ثانية واحدة، و ربنا يحفظ الجميع”.