كشف وزير النقل، كامل الوزير، مساء الاثنين، إنه تم تجهيز 10 أفلام لتوعية ركاب القطارات.
جاء ذلك في مداخلة مع الإعلامي عمرو أديب، ببرنامجه الحكاية، متحدثا عن واقعة قفز راكب من قطار إثر رفضه دفع غرامة التدخين، قبل أن ينقل للمستشفي ويتوفي.
وقال الوزير: “إحنا بعد الحادث الأولاني عملنا محاضرات ودورات توعية في معهد الوردان”.
وأوضح أن تلك المحاضرات “علشان نأهل الكمسرية وقادة القطارات والسواقين، إزاي يتعاملوا تعامل قانوني وإنساني مع كل الركاب سواء معاه تذكرة أو لا”.
وأضاف: “بنعمل دلوقتي أفلام”.
وتابع: “عملنا 10 أفلام وراجعناها مع كبار المخرجين والإعلاميين، علشان تبقى أفلام توعية لكل الجمهور اللي بيركب قطارات سواء اللي عايز يركب من غير تذكرة أو اللي بيدخن”.
وزير النقل يكشف تفاصيل واقعة “القفز”
وعن تفاصيل الحادث: قال الوزير “الشرطة حررت محضر على طول في قسم شرطة المحطة، وفيه شهود للواقعة راحوا مع الشرطة وشهدوا”.
وأضاف: “أحد الشهود إمام وخطيب مسجد في إيتاي البارود شاف كل الواقعة وحكاها في قسم الشرطة”.
وتابع: “إحنا تروينا شوية لحد ما طلعنا البيان علشان الناس تعرف إيه سبب الحادث، ويارب مايحصل حوادث تانية”.
وسرد التفاصيل مضيفا: “فرد الشرطة نادى على الكمسري علشان يعمل محضر غرامة للمرحوم، الموضوع في النيابة العامة وقيد التحقيق”.
وتابع: “أنا حاليا داخل على اسكندرية علشان عندنا بكرة اجتماعات وزراء النقل العرب”.
واستدرك: “لكن انا سمعت من السكة الحديد ومن الكمسري ومن شرطة النقل والمواصلات”.
وقال الوزير: “اللي حصل حاليا في إيد النيابة العامة والشرطة”.
وعاد مؤكدا: “كان فيه قطار القاهرة الاسكندرية متوجه للقاهرة ، قبل محطة طنطا كان القطار مهدي”.
أضاف: “الناس اللي في القطار لاحظت أحد الركاب بيدخن راح لحد عنده فرد شرطة قاله بلاش تدخين”.
وتابع: “المرحوم رفض، مندوب الشرطة لف ينادي الكمسري علشان يعمله غرامة”.
وقال: “فؤجئ بأن المرحوم أحمد مبروك قفز من القطار أثناء دخول القطار على المحطة”.