قال الرئيس عبد الفتاح السيسي: “قوة الجيش وقدرته مفيش فيها كلام.. ماحدش ابدا ممكن من الخارج يعتدي على مصر أولا لأن إحنا ما بنعتديش على حد وثانيًا لأن قوة الجيش عظيمة إن شاء الله”.
وأضاف السيسي خلال حضوره حفل تخريج دفعة جديدة من طلبة الكليات العسكرية والمعهد الفني للقوات المسلحة: “مصر قادرة على حماية أرضها وترابها ضد أي معتدي، لكن مهم كمان مهمة تضاف للمهام اللي بتبذلوها وهي بناء وعي حقيقي لأخوك المجند اللي جاي يقعد معاك سنة أو أكتر علشان هو كمان يساهم بالوعي ده مع أسرته”.
وتابع: “مفيش تحدي بيقابل بلدنا وبيقابل البلاد اللي بتستهدف بأجيال الحرب الحديثة الا بمقابلتها بوعي حقيقي ويمكن أنا بكرر الكلام ده كتير والناس متصورة ليه الإلحاح في الإشارة للخطر ده لأنه في الحقيقة لا يقل عن أي خطر ممكن يواجه الدولة أو يعتدي عليها”.
وواصل: “القضية كلها هي إزاي يحركوا الشعوب لايذاء بلادهم، كل القصايا والمشاكل في كل الدول مابتنتهيش ومش هتنتهي لكن الفكرة كلها إزاي احشد الرأي العام السلبي من خلال التشكيك والكذب والافتراء وده كلام بقوله دلوقتي لمهام تضاف للجيش والشرطة كمان”.
وتابع الرئيس “مفيش تحدي بيقابل بلدنا والبلاد اللي بيتم استهدافها لأجيال الحرب الحديثة إلا لمواجهتها بوعي حقيقي، ويمكن بكرر الكلام ده كتير، والناس ممكن تسأل، ليه الإلحاح في الإشارة للخطر ده؟!”.
واستكمل الرئيس بأنه لا يقل خطرا عن أي معتدي يريد أن ينال من الدولة أو يعتدي عليها، لأن القضية كلها هي إزاي يحركوا الشعوب لإيذاء بلادهم ، القضية كلها كده ، الفكرة كلها إزاي أحسد الرأي العام بالسلب ؟ بالتشكيك والكذب والافتراء !”
وقال الرئيس إنه يقول ذلك الكلام لمهام تضاف إلى أفراد الجيش والشرطة أيضا ، منوها بأنه منذ ٧ سنوات تم الحديث عن أن الكليات العسكرية لابد أن تقوم بتدريس ماذا يعني الدولة ؟ وكيفية الحفاظ عليها ؟ وما هي المخاطر التي تواجهها ؟ .
ووجه الرئيس عبد الفتاح السيسى، خلال الحفل التحية والتقدير لأسر طلاب دفعة جديدة من طلاب الكليات العسكرية بالكلية الحربية بمصر الجديدة.
وحضر الرئيس عبدالفتاح السيسي اليوم الثلاثاء حفل تخريج دفعة جديدة من طلبة الكليات العسكرية والمعهد الفني للقوات المسلحة، وكان في استقباله الفريق أول محمد زكي القائد العام للقوات المسلحة.
وشهد الرئيس حفل تخريج دفعة جديدة من طلبة الكليات العسكرية و المعهد الفني للقوات المسلحة، دفعة 114 حربية، والدفعة 71 بحرية، والدفعة 87 جوية دفعة، والدفعة 57 فنية عسكرية، والدفعة 48 دفاع جوي، والدفعة 49 من المعهد الفني للقوات المسلحة.
كما حضر الاحتفال الدكتور مصطفى مدبولى رئيس مجلس الوزراء، و الفريق أول محمد زكي القائد العام للقوات المسلحة وزير الدفاع والإنتاج الحربي وعدد من الوزراء وكبار رجال الدولة.