أعلن عمرو السولية، لاعب الفريق الأول لكرة القدم بالنادي الأهلي، تقدمه ببلاغات رسمية للجهات المسئولة ضد مجموعة من الشباب تعرضوا لابنته «بالتحرش» – بحد وصفه – والتي لم تتجاوز عامها الرابع، بعد نشر صورة لها بصحبته منذ ساعات.
واستنكر لاعب الأهلي ردود فعل بعض المتابعين، بعدما نشر مجموعة صور له مع ابنته «3 سنوات ونصف» على مواقع التواصل الاجتماعي.
ونشر عمرو السولية مجموعة من التعليقات التي توصف بـ«التحرش اللفظي»، حيث قال: «ليلى بنتي عندها 3 سنين ونص لسه قالعة البامبرز من كام شهر الكلام ده بيتقال على طفلة!!، أيه اللي يخلى بني آدم خنزير ممكن يبص على لبس طفلة ويركز غير أنه فعلاً خنزير؟!، إيه المرض ده!».
وأضاف: «دول اللي لما بيكبروا بيكونوا مغتصبين ومتحرشين واللي بنخاف على بناتنا وأهلنا ينزلوا الشارع عشان ميتعرضوش لأذاهم، أتمنى الشيوخ اللي بيبرروا للتحرش ولبس البنت يكونوا مبسوطين دلوقتى وهما شايفين اللي بيحصل».
وتابع: «قررت اتقدم ببلاغات لأصحاب الكومنتات دى عشان اللي زى دول مينفعش يكبروا وسطنا قررت احمي بناتي اللي لسه مشافوش الدنيا وللأسف خايف عليهم يشوفوا كمية القرف والاشمئزاز ده».