عمرو أديب: البنزين هيغلي ويجب البدء في مرحلة التصرف والصمود (فيديو)

داعيا لتجاوز الهلع والشكوى

عمرو أديب: البنزين هيغلي ويجب البدء في مرحلة التصرف والصمود (فيديو)
محمد مجدي

محمد مجدي

1:07 ص, الثلاثاء, 8 مارس 22

حذر الإعلامي عمرو أديب مقدم برنامج الحكاية على فضائية أم بي سي مصر من غلاء البنزين ، مؤكدا أنه يجب البدء في مرحلة التصرف والصمود”.

وأوضح أن حمي الاستهلاك يجب أن تهدأ و يجب أن يتم البدء في تجاوز مرحلة الهلع و الشكوى إلي مرحلة التصرف و الصمود .

و أضاف أديب : “ملوش لازمة أبدا العربيات اللي بتتاخد و ننزل نتفسح بليل ، و المصريين عندهم فكرة لطيفة اوي ننزل نلف بالعربية ، طب ماهو البنزين غالي و هيغلي أنا بقولكم أهو”.

و تابع أديب أن “سعر برميل النفط وصل 135 دولارا ، و هناك أخبار أنه سيتم عمل حظر على البترول الروسي ، و الذي أدي إلى خروج تصريحات من مسؤول روسي أنه لو تم حظر البترول الروسي السعر سيرتفع من 135 إلى 300 دولار”.

و استكمل أديب قوله : “كلمني بقي عن العالم اللي فيه برميل النفط 300 دولار ، لو انت راجل معاك فلوس كتير روح خد العربية لف و روح العين السخنة و ارجع كل يوم”.

و تابع أديب : “حلوة بلدنا و جميلة اتفسح و انبسط ، اللي معاه فلوس و بتحيره يجيب حمام و يطيره ، إنما في أغلب الظن و الأحيان العقل حلو ، و لو معاك فلوس يبقي نقف بيها جنب بعض ، واحنا داخلين على ايام مفترجة موائد رحمن و ناس عايزة شنطة رمضان”.