يرى عامر محافظ البنك المركزي إن السندات الدولية التي تطرحها مصر خارجيا مماثلة للاستثمار الأجنبي المباشر.
وقال عامر في لقاء مع برنامج “مساء دي إم سي” :”يمكن فيه بعض الناس بتقول الاستثمار الأجنبي المباشر بينخفض .. أنا بعتبر السندات الدولية دي استثمار أجنبي”.
وأوضح: “السندات الدولية هي أموال مدتها طويلة.. طب الاستثمار الأجنبي الفكرة فيه إيه؟ أن مدته طويلة”.
وتابع: “الاستثمار الأجنبي بيجي يدرس في المشروع وياخد وقت.. احنا النهاردة بنقرر نروح بكرة السوق الدولية عايزين 5 مليار دولار.. بنروح وبنلاقي”.
واستطرد: “الطلبات تأتي دائما أكثر مما نعرضه”.
وقال إن تلك السندات لمدد 30 و40 عاما، واستطرد: “كنا هنصدر سند لـ 100 سنة عام 2018” .
وسندات الـ 100 عام تطرحها الكيانات والمؤسسات التي تتمتع بثقة كبرى بين المستثمرين الدوليين.
وأضاف عامر: “بقى عندنا مرونة مالية من ناحية المصادر اللي نقدر نلجألها نوفر من خلالها احتياجات الدولة.. لما عملنا سياسات نقدية ومالية جديدة بقت مفهومة ومقبولة للخارج وبقت الأسواق الدولية مفتوحة قدامنا”.
وتابع: “بدل ما نقول عايزين نستلف من دولة معينة قولنا نروح للأسواق الدولية بس نعمل سياسات تكون مفهومة للأسواق”.
وأوضح: “علشان كدة من ضمن الحاجات اللي بنحاول نهتم بيها عجز الموازنة العامة للدولة لأن دي من ضمن المؤشرات اللي بيبصوا عليها”.
ولا يرى عامر ان الإقبال على السندات الدولية المصرية سببه ارتفاع القائدة.
وأوضح: “في الأرجنتين مثلا سعر فايدة 45%.. بس المستثمريين بيجوا هنا.. لأن فيه عامل المخاطر (في صالح مصر)”.
وتابع:”هناك (في الأرجنتين) ممكن يحطوا عامل مخاطر 10% وأكتر.. احنا ممكن يحطوا عامل مخاطر 2%”.