محمود جمال :
رفض أحمد عبد النبى أدمن صفحة ثورة الأنترنت عبر مواقع التواصل الاجتماعى المقترح الذى قدمته شركات الانترنت للمهندس خالد نجم وزير الاتصالات قبيل انعقاد مجلس إدارة مجلس إدارة جهاز تنظيم الاتصالات مساء الأحد الماضى بشأن طرح سرعة 1 ميجابايت المحدودة بسعر 50 جنيه .
وعلق قائلا : دا مكسب للشركات بعد ما كانت بتبيع السرعه كلها علي بعضها بـ 140 ج ، دلوقتي هتبيع السرعه بـ 50 ج و لما تخلص السعه المحدد لك و هتبقي ” اقل من 70 جيجا شهريا طبعا ” وبعدها تشتري بـ 3 ج الجيجا و ممكن اكتر يعني لو استخدامك شهرياً 170 جيجا هتدفع سعر الباقه ” 50 ج ” و ( 100 جيجا * 3 ج ) = 300 ج و الناتج هيبقي 350 ج شهرياً بعد ما كانت بـ 140 ج .. وده الاستخدام الظالم ، لا ناصحيين , بس معلش # مش _دافعين # مقاطعين .
فيما وجه اسلام خالد المنسق العام للحملة رسالة شديدة اللهجة للوزير قائلا : ” معادنا معاك كان يوم 15 وطلع يوم جمعه وقولتلنا 17 ومطلعتش قرار مع اننا سألنا حضرتك هو الجهاز هيوافق ؟ قولتلنا انا الوزير
وأضاف : ” معالي الوزير شكرا لحسن تعاونك معنا واننا للاسف اتضحلنا ان مجلس ادارة الجهاز كلمته بتمشي علي الكل حتي لو كان رئيس مجلس الادارة (الوزير) اللي هو حضرتك ”
يشار أن وزير الاتصالات قد أكد فى تصريحات سابقة لـ ” المال ” الأسبوع الماضى أن وزارته تستهدف إتاحة خدمات الإنترنت فائق السرعة لـنحو 1.5 مليون عميل جديد خلال الـ18 شهرًا المقبلة، بالتزامن مع رفع كفاءتها، لترتفع نسبة عدد مستخدمى الـ”ADSL ” إلى %50 مقارنة بـ%34 حاليًا.
وتستحوذ «تى إى داتا» حصة سوقية تتجاوز الـ 65.5 % من عملاء الـ«ADSL »، تليها «لينك دوت نت» بـ%23.5، بينما تأتى شركتا «فودافون داتا» و«اتصالات داتا» فى المركزين الثالث والرابع بحصص %7 و %4.3 على التوالى.
يذكر أن عدد مستخدمى الإنترنت بمصر طبقًا لمؤشرات وزارة الاتصالات وتكنولوجيا المعلومات خلال يناير الماضى 49.3 مليون مستخدم، منهم 3.8 مليون مستخدم لخدمات الـ«adsl »، و22.4 مليون مشترك لإنترنت المحمول.