قال الرئيس السيسي خلال جولة له اليوم في شوارع القاهرة، “لما يتقرر إننا نضيف 100 ألف وحدة سكنية للمناطق ذات الطبيعة الخطرة.. بكام؟ لو الشقة 200 ألف جنيه يبقى 20 مليار.. طب لو بأرضها ومرافقها توصل إلى 40 مليار جنيه.. ده زيادة عن التخطيط اللي كنا عاملينه.. ده كله بنفتح مجالات للعمل، وبنقدم لمحدودي الدخل فرصة الاستفادة من قدرة الدولة للتخفيف عنه”.
وأضاف السيسي خلال تفقده عناصر وأطقم القوات المسلحة لمواجهة فيروس كورونا، “وأنا بعمل مرور خفيف في أوقات مش متوقعة .. وفوجئت إن فيه ناس بتبنى بشكل .. هدي مثال واضح .. كان فيه مكان اسمه مصرف الطارق كان عبارة عن منطقة مخلفات وناس عايشة بشكل لا يليق أبدا .. عملنا إسكان لهم وأخلينا الناس وسكناهم فيها وعملنا محور طوله 9 كيلو موازي لجسر السويس.. أفاجأ إني الاقي الناس بتبني، فين التخطيط للكلام ده؟ فين الرخص؟.. لا ده كلام خطير.. اوعى حد يتصور إن الدولة وهي مشغولة في المواجهة دي مش هتبقى واخدة بالها من الكلام ده؟”.
وتابع “أنا بمشي في مناطق كتير جدا بلاقي شوارع لا تستوعب عربيات الناس.. كلامي لمحافظ القاهرة.. يعني إحنا حد يتصور حجم العمل اللي اتعمل في شرق القاهرة.. شيلنا كل خطوط المترو في مصر الجديدة واتعملت شوارع.. أفاجأ إنها بقت جراج.. ولقيت نقاش يتقال أركن عربيتي فين؟.. هي الشوارع علشان الناس تمشي فيها ولا علشان تركن.
كان الرئيس السيسي قد تفقد ميدانياً صباح اليوم العناصر والمعدات والأطقم التابعة للقوات المسلحة المخصصة لمعاونة القطاع المدني بالدولة لمكافحة انتشار فيروس كورونا المُستجد.
كما اجتمع الرئيس السيسي اليوم مع الدكتور مصطفى مدبولي رئيس مجلس الوزراء، ومحافظ البنك المركزي، ووزراء السياحة والآثار، والتخطيط والتنمية الاقتصادية، والتعاون الدولي، والمالية، وقطاع الأعمال العام، والطيران المدني، والتجارة والصناعة، ومستشار رئيس الجمهورية للشئون المالية، ونائب وزير المالية للسياسات المالية، ووكيل محافظ البنك المركزي.
وصرح المتحدث الرسمي باسم رئاسة الجمهورية بأن الاجتماع تناول استعراض تداعيات أزمة فيروس كورونا المستجد من الناحية الاقتصادية، والإجراءات الحكومية في هذا الصدد للتعامل معها والتخفيف من آثارها على المواطنين والقطاعات المتضررة.