قال الرئيس عبد الفتاح السيسي رئيس الجمهورية، إن الدولة كانت مشكلتها السنوات الماضية، إن الناس استكترت على نفسها طريق وكبري .. ده لسة بدري قوي.. لو كانت التنمية والتقدم ثمنه الجوع والحرمان اوعوا يا مصريين ماتتقدموش .. اوعوا تقولوا نأكل أحسن.
جاء ذلك خلال كلمته في مؤتمر حكاية وطن بين الرؤية والإنجاز المنعقد الآن في العاصمة الإدارية الجديدة.
وأضاف السيسي: والله العظيم والله العظيم والله العظيم لو ثمن التقدم وازدهار الأمة إنها ماتكلش وماتشربش يبقى ماتكلش وماتشربش .. عايزين يكون لكم مكان على الخريطة في دولة 95% منها صحراء ؟
وتابع السيسي: هما بيتحروا الكذب .. كذابين مخربين مدمرين كل يوم بيعدي على شعب بيتنكد عليه والله حجم الإثم والظلم اللي بيتحملوه الأشرار فوق خيالكم.. هما فاكرين العملية ماشية كده لا مش ماشية كده.
وقال السيسي، إن الثقة المفقودة والأمل الضائع اللي كان ليشكل جزءا من وجدان المصريين .. واحنا بنعمل قناة السويس كان وزير الاستثمار أشرف سالمان قالي المصفوفة المالية المشروع هنبقى نخلي بالنا وعايزين نعمله باقتصاديات.
وأضاف السيسي: قولتله بس أنا عايز ادي الأمل الناس وكانت الفائدة 10.5% قولتلهم هنعمل الفائدة للاستثمار في القناة 12% .. ده ماكنش يتعمل أبدا في سنة ابدا .. المصفوفة المالية هتكون 64 مليار أو أكتر وعليهم أعباء الحكومة هتدفعهم .. بقى عليا التزام كدولة لتقديم أرباح الكلام ده للناس لكن أنا مابصتش على الالتزامات قد العائد المعنوي.
وتابع السيسي: كان ساعتها دخل القناة من 4-4.5 مليار دولار وقولنا إن سنة 2024 دخل القناة هيكون في حدود 12 مليار دولار .. النهاردة احنا بنقفل 10 وهتكون 10.5 مليار دولار بنهاية ٢٠٢٣.