أكد الرئيس عبد الفتاح السيسي، أن 80% من موازنة التعليم موجهة للأجور.
جاء ذلك في فقرة اسأل الرئيس مساء اليوم على هامش المؤتمر الوطني الثامن للشباب الذي أقيم بالقاهرة.
السيسي: عندنا 23 مليون طالب وأكثر من 50 ألف مدرسة
وقال السيسي: “هقول شوية بيانات صغيرة هفكر نفسي وحضراتكم بحجم التعليم في مصر .. عندنا 23 مليون طالب في التعليم”.
وأضاف: “عندنا أكتر من 50 ألف مدرسة، وعندنا ما يقرب من 1.8 مليون مدرس اللي هما القائمين على عملية التعليم”.
وتساءل: “طيب الموازنة بتاعت التعليم كام ؟ رقم برضو ماننساهوش .. طالما هنتكلم في الشأن العام نبقى دايما منتبهين؟”.
وأجاب قائلا: :”إحنا بنتكلم في 130 مليار جنيه”.
وقال إن “80% من هذا الرقم، يعني حوالي 100 مليار تقريبا عبارة عن مرتبات وأجور للعاملين”.
وتابع: “باقي المبلغ بقى كل أمور التشغيل الأخرى بعيد عن المنظومة”.
السيسي يدعو الرأي العام للمساعدة في تطوير التعليم
ودعا الرأي العام للمساعدة في تطوير التعليم، قائلا: “لازم الرأي العام يبقى متقبلا أو على الأقل مستعد للمسار اللي هنتحرك فيه”.
واستدرك: “مش هنقدر أننا نستطيع ننجح في القضية دي بشكل منفصل عن الشعب المصري، 23 مليون طالب يعني ملايين الأسر”.
وقال: “ده أول تحدي هل احنا كمجتمع مستعدين .. مش هقول مجابهة التحدي ده”.
وتساءل: “طب إنتوا مصدقين إننا درسنا كويس وبذلنا مجهود كبير جدا علشان نوصل لمسار لإصلاح التعليم بشكل كويس؟”.
وأكد أن “القضية مش أن التابلت هينجح أو مش هينجح”.
وقال إن “التابلت ده عنصر بسيط جدا من عناصر التطوير، لكن ده موضوع متكامل على بعضه”.
وتساءل “طيب يا ترى مجتمعنا مستعد، طيب لو مستعد هيتعاون معانا علشان ينجحنا؟”.