هنأ الرئيس عبدالفتاح السيسي الأمة لإسلامية بمناسبة ذكرى المولد النبوي الشريف.
ودوّن السيسي عبر حسابه الرسمي على موقع التواصل الاجتماعي فيس بوك: “أهنئ الأمة المصرية والعربية بمناسبة ذكرى مولد خاتم الأنبياء، نبي المحبة والسلام، الذي نشر التسامح وأركان الدين بكامل الحكمة والموعظة الحسنة، كل عام والأمة المصرية والعربية والإسلامية بخير”.
وكان الرئيس السيسي، قد ألقى الخميس، كلمة له خلال فعاليات احتفال وزارة الأوقاف بذكرى المولد النبوي الشريف.
وقال الرئيس خلال كلمته: “معرفش الكلام اللي هقوله فخامة الرئيس عدلي منصور هيزعل مني ولا لأ ، لكن أنا هقوله، انتوا قبل الانتخابات والترشح، كتير من الناس قالت ليه مش عاوز يقدم، اتحايلت على فخامة الرئيس في الفترة دي شهور إنه يترشح وأكون أنا في مكاني”.
وأضاف السيسي: “بقول الكلام ده عشان تعرفوا إن الكل زاهد فيها، لأنه تحدي كبير جدًا، سواء دنيا أو دين، شهور بقوله من فضلك، سنة عدت اترشح تاني وأنا أفضل مكاني وهعمل كل اللي ممكن يتعمل لأجل خاطر مصر، بس هو قالي لا يمكن هي كده تمام وكفاية كده”، وزاد: “الحكاية مش حكاية رئيس ونظام، على الأقل بالنسبة لي مش موجودة”.
كما تطرق رئيس الجمهورية، إلى الحديث عن أسباب ثورة 30 يونيو، نافيًا بشدة، أنَّ يكون اندلاعها بسبب رغبته في الوصول إلى سُدة حكم البلاد.
وقال السيسي: “لو انتو تصورتوا إن 30 يونيو و3 يوليو، إني كنت جاي طمعان في حاجة، تبقوا ظلمتوا الفكرة وظلمتوا القيم والمبادئ اللي وقفنا من أجلها”، وزاد: “لو انتو تصورتا إن الموضوع كله عشان أبقى موجود هنا، ده أنا أبقى أوحش منهم، لأ والله”.
وحذر الرئيس عبدالفتاح السيسي، من نشر الشائعات عبر مواقع التواصل الاجتماعي، مضيفًا “يا ترى الدين بيقول إيه في الكذب اللي إحنا بنشوفه عبر مواقع التواصل الاجتماعي كلنا؟ من غير ما نحس بننقل عن بعضنا دون إدراك إننا في يوم من الأيام إذا كنا عارفين إننا هنقابل ربنا، وهنتحاسب على كل اللي عملناه”.