انتقد الرئيس عبد الفتاح السيسي حالات التعدي على الترع والمصارف الملاصقة للطرق المحورية بين المحافظات، وما تسببه من عوائق تحول دون عمل تحويلات ومحاور جديدة لتسهيل حركة المواطنين من وإلى المحافظات.
وقال الرئيس خلال افتتاح عدد من المشروعات القومية صباح اليوم ومنها المرحلة الرابعة من الخط الثالث لمترو الأنفاق: “لما جينا نعمل محاور تبتدي مثلا من بنها لغاية جمصة علشان الحركة بين المحافظات تبقى حركة مريحة .. زي محور بنها المنصورة ده”.
وأضاف: “الموضوع ده بياخد مننا كلام كتير.. إحنا عايزين نعمل حاجة جيدة للناس ولشعبنا ولأهلنا علشان نساعدهم ونريحهم مش علشان بس يتحرك على الطريق علشان لو فيه تجارة على الطريق ممكن تتحسن، ولو فيه حاصلات زراعية بتتحرك هتتحرك على أماكن مريحة وتوصل بشكل جيد”.
وأكد الرئيس أن تلك التعديات تتسبب في ارتفاع تكاليف أي عمل صناعي يحدث على الطرق من كباري أو محاور.
وتابع السيسي: “لو كان فيه النهاردة احترام ومفيش تعدي على حرم الترعة أو المصرف أو الرياح.. ماحدش يقرب منه .. ماكناش هنبقى محتاجين نعمل كوبري زي كدة يتكلم مليار جنيه.. كنت كل اللي هعمله مايكلفنيش ربع التكلفة دي .. روحنا رايحين سايبين التعدي اللي موجود وعاملين محور تاني خالص في المياه .. ماحدش يعمل كده .. مش معناه إننا غلطانين .. لا .. ماحدش يعمل كده في نفسه”.
ومن جانبه استعرض وزير النقل الفريق كامل الوزير، مختلف المشروعات الجارية على مستوى الطرق والكباري، والسكك الحديدية، والنقل البحري والنهري، وكذلك مشروعات مترو الأنفاق.
وافتتح الرئيس عبد الفتاح السيسي اليوم المرحلة الرابعة من الخط الثالث لمترو الانفاق ووضع حجر الاساس لمحطة عدلي منصور التبادلية التي تعد إحدي المحطات المركزية الكبري لربط العاصمة الادارية الجديدة بكافة مدن ومحافظات الجمهورية.
وقال المتحدث العسكري في بيان إن المحطة تضم مجمع نقل متكامل الخدمات ومنطقة تجارية استثمارية على مساحة 15 فدانًا وتربط ما بين شبكة خطوط خمس وسائل نقل مختلفة علي مستوي الجمهورية متمثلة في الخط الثالث لمترو الانفاق ومسار القطار الكهربائي ومحطة للسكك الحديدية ومحطة للسوبرجيت بالإضافة إلى الأتوبيس السريع BRT والاتوبيس الترددي.