منح الرئيس عبدالفتاح السيسي ترقية إلى المقدم طارق عبدالوهاب من رتبة مقدم إلى عقيد، خلال احتفالية عيد الشرطة الـ71، اليوم الإثنين، بعدما فقد ذراعيه في إحدى المواجهات الإرهابية.
وقال الرئيس في كلمة للمقدم طارق: “الترقية دي شكل من أشكال العرفان مننا للي انت عملته، ولكل من عمل دا من الشرطة أو الجيش
وعاوز أقول للناس إن الظروف في مواجهة الإرهاب أفرزت كتير من شهيد ومصاب”.
وتابع: “يهمني أقول لكل مصر، وأرجو إنها متألمكش مين يعوض على طارق دا، فيه رجال زي طارق كتير ومنهم من قدم روحه ومنهم من قدم حتة من جسمه عشان خاطر مصر، وإيه المقابل إن الدولة تتقدم وتستقر، ودا اللى كان عاوز يعمله طارق والشهداء، عشان يحموا البلد دي، ومش عايزين ننسى الحالة اللي قعدنا فيها سنين وكانوا لو قدروا علينا كان دبحونا”.
وتابع: “قولت وهقول إن الموجة دي قدرنا القضاء عليها بنسبة تقترب من 100% ، ومكنش هيفوتني إني اقوله متشكرين باسمى واسم كل المصريين، وهنا الترقية والعرفان مش كفاية، والترقية الحقيقة له ولكل اللي زيه إن البلد تفضل تتقدم للأمام وفضل شعبها مستعد وفاكر تضحية أبناؤه، ومحدش يحاول يضيع الجهد من الدم اللي راح، والبلد موقفتش أبدًا ومقالتش مش هنكمل وكملت وناس تانية بتكافح وتجتهد عشان تغير من حياة الناس”.