دعا الرئيس عبد الفتاح السيسي، وزير الأوقاف مختار جمعة، لعقد لقاءات دورية للحديث عن الشأن العام.
السيسي يطلب بنقاش كل أسبوع أو أكثر عن الشأن العام
وقال السيسي في مداخلة تعقيبا على حديث جمعة في احتفالية ذكرى المولد النبوي اليوم: “اسمحلي أقولك إن الفقرة الأولانية من الخطبة محتاجة نشتغل عليها”.
وأكد أهمية ذلك لأسباب بينها أن “تبقى نقاشا ما بين المفاهيم اللي اتكلمنا فيها قبل كده”.
وأضاف: “أنا مش بتكلم عن أهل الدين بس، أنا بتكلم عن السياسيين وأهل الثقافة كل المعنيين نقعد كل أسبوع أو أكتر”.
وتحدث عن موضوعات تلك اللقاءات قائلا: “نبدأ نتناقش في الشأن العام من منظور ديني وسياسي واجتماعي زي مانتو عايزين”.
وتابع: “أرجو إن الإعلام يغطي بعد الإعداد الجيد لهذا الموضوع علشان الناس تسمعنا واحنا بنتكلم وتعرف يعني ايه شأن عام”.
الرئيس : محتاجين نتكلم مع نفسنا ومع شعبنا وندي فرصة للكل يتكلم ويسمع
وقال السيسي: “محتاجين نتكلم مع نفسنا ومع شعبنا على أن النهاردة المواضيع بيتم تناولها بشكل خلينا نفردلها”.
وحث على مشاركة الجميع قائلا: “ندي فرصة للكل يتكلم، والكل يسمع”.
وأضاف: “أرجو إحنا نتحرك في ده وأنا هحضر اول لقاء من ده، بس أرجو يبقى فيه إعداد علشان هو مش هيبقى بس على قد الدين”.
واستدرك: “كان ممكن أقول لاجهزة الدولة تعمل ده، لكن أنا قولت إن أهل الدين هما أولى بالكلام في الشأن العام”.
ومن جانبه علق وزير الأوقاف قائلا: “باذن الله هننسق مع وزارة التعليم والجهات المعنيين فيما يخص الكلام في الشأن العام”.