السيسي: نؤسس منظومة تعليم جديدة لإعادة صياغة الشخصية المصرية

أكد الرئيس عبد الفتاح السيسي، على السير في تأسيس منظومة تعليم جديدة لإعادة صياغة الشخصية المصرية

جاء ذلك في فقرة اسأل الرئيس على هامش المؤتمر الوطني الثامن للشباب، الذي أقيم مساء السبت بالقاهرة.

وقال السيسي: “مش عايزين ننسى إن إحنا كل سنة بيزداد عدد الطلاب بالنمو السكاني”

وأضاف: “بالتالي الطلب على المدرسة الجديدة بيزداد والطلب على المعلمين الجديد بيزداد”.

وتابع: “كذلك الطلب على المواد الداخلة في العملية التعليمية بيزداد”.

وأكد أن هناك نقاشا مستمرا مع الحكومة ووزير التعليم طارق شوقي

السيسي: التعليم الحقيقي هيطلع شخصية صعب السيطرة عليها بالوسائل الحديثة

وقال إن الوزير دائما مهموم بردود أفعال الناس وهجومها عليه وكأنه عايز يضيع ولادهم”، مضيفا: “مش هيحصل”.

وأضاف: “أنا هقولها التعليم الحقيقي هيطلع شخصية صعب السيطرة عليها بالوسائل الحديثة”.

وتابع: “إحنا محتاجين ده إذا كنتم خايفين على بلدكم ومستقبل مصر”.

وقال السيسي: “لازم المتعلم الجديد يبقى عنده عقل ناقد يناقش القضايا بشكل موضوعي ومنطقي”.

وأكد أن “التعليم الحالي هو مسار واحد للتلقي وسمع الكلام وخلاص على كده”.

وقال: “اللي احنا ماشيين بيه خلال الـ 50 و 60 سنة اللي فاتوا هو تعليم يخلي طموح الناس قليل جدا للتعليم والعمل والاستقرار وخلاص”.

وعقب قائلا: ” ده مش صحيح .. المسار اللي ماشيين فيه يهدف لإعادة صياغة الشخصية المصرية”.