شدد الرئيس عبد الفتاح السيسي، مساء الأربعاء، على أهمية المحليات، ضاربا المثل بعدم القدرة على تحصيل عوائد متوقعة من قانون المحاجر، قائلا: “كنا نتمنى تحصيل 20 مليار جنيه من قانون المحاجر وما خدناش حتى 10 % منه للآن”.
جاء ذلك ردا على سؤال بشأن الانتخابات المحلية، في جلسة “اسأل الرئيس” التي يقدمها الإعلامي رامي رضوان.
وأعرب السيسي عن أمله عن أن تكون النسبة الكبيرة للمرشحين والفائزين في المحليات من الشباب في الانتخابات المقبلة، متمنيا أن “يبقى ع الاقل فيه 12 أو 18 ألفا من الشباب في انتخابات المحليات القادمة”.
وقال : “ده لو تم وقدرنا ننتخب أو نختار ممثلين في المحليات بشكل كويس هتبقى أول خطوة في مجابهة الفوضى والفساد بشكل أكثر قوة من الواقع اللي احنا موجودين فيه”.
تقديرات بإجراءات الانتخابات نهاية العام
وأضاف: “أتمنى أن الدورة القادمة للبرلمان يتم مناقشة قانون الإدارة المحلية.. وكمان الانتخابات على أخر العام يبقى عملنا الخطوة الكبيرة اللي منتظرينها بقالنا كتير”.
وتابع: “خليني اضرب شوية امثلة كمان كدة .. لما اتكلمت عن دور المحليات .. في كل محافظة حسب الأحياء اللي موجودة فيها أداء الموظفين .. خليني اتكلم عن الملاحظات اللي شوفناها خلال السنين اللي فاتت .. نفاجئ بغياب كامل لهذا الدور .. وبالتالي النتائج صعبة جدا”.
وضرب مثال قانون المحاجر قائلا: “إحنا عملنا لقانون المحاجر .. وكنا بنتمنى من خلال هذا القانون أن نتحصل على ما يقرب من 18-20 مليار جنيه عوائد من هذا الامر .. احنا ماخدناش ولا حتى 10% من ده .. وده معناه ان القانون مش دقيق او اداءنا هو اللي مش دقيق”.
واستدرك: “لكن القانون كان عادي جدا لكن اللي حصل ان النتائج بتاعته نتيجة الغياب .. محجر واحد لمادة تحجيرية بسيطة جدا ..35 مليون جنيه في الشهر .. احنا بنتكلم على آلاف المحاجر .. مش ده المطلوب بس .. لما نشوف حجم التعدي على اراضي الدولة مانقدرش نقول في محافظة دون محافظة .. في المطلق كل ده يعكس الدور المهم للمحليات”.
أهمية دور المحليات
وقال السيسي: “في الدول الاخرى لا يستطيع مواطن زرع شجرة أو يشيل شجرة إلا وكان فيه تصديق من المحليات لهذا الأمر، وإن شاء الله نتمنى إننا خلال هذا العام نتحرك ونحقق أول خطوة جادة في الإصلاح، والقانون بقاله فترة طويلة جدا بيتناقش“
وأضاف: “البرلمان بيقوم بدور كبير أوي وده مش مجاملة ليه لأن الدستور الجديد له التزامات تشريعية لابد أن تتوافر حجم العمل اللي بيعمله البرلمان في هذا الإطار أكبر من طاقته، وكل وزير معني عايز الأولوية للقانون بتاعه”.
وكان الرئيس عبد الفتاح السيسى، افتتح مساء أمس الثلاثاء، المؤتمر الوطنى السابع للشباب، والذى يعقد لأول مرة فى العاصمة الإدارية الجديدة حيث يعقد على مدار يومين، الثلاثاء والأربعاء، بمشاركة نحو 1500 شاب من مختلف محافظات الجمهورية.
وشهد المؤتمر اليوم الأربعاء، الاحتفال بتخريج الدفعة الأولى من البرنامج الرئاسى لتأهيل الشباب الأفريقى APLP، والتى تضم مشاركين من 29 دولة أفريقية، والذين زاروا مؤخراً قناة السويس، وعقد المؤتمر الأول لمبادرة “حياة كريمة”.