قال الرئيس عبد الفتاح السيسي، إن الواقع يقول إن هناك مشاكل كثيرة في مصر، مشددا على الرغبة في إتمام انتخابات المحليات في أقرب وقت.
جاء ذلك ردا على سؤال بشأن توقيت عقد الانتخابات المحلية، في جلسة “اسأل الرئيس” التي يقدمها الإعلامي رامي رضوان.
أسباب تأخر مؤتمر الشباب
وقال السيسي في بداية الرد: “أتوجه لكل المصريين التحية والتقدير والاحترام وخليني أقولهم إن المؤتمر ده كفكرة وكمنصة للتواصل مع المصريين والشباب بشكل كبير كان مقرر أن يتم كل شهرين أو ثلاثة”.
واستدرك: “لكن الحقيقة الالتزامات اللي موجودة وبالذات في عام 2019 وحجم الانشطة بما فيها رئاسة مصر للاتحاد الافريقي مخلتناش نعمل ده .. لكن اتصور انه بعد هذا العام هنقدر نرجع لمعدلات اكتر”.
دور المحليات كبير
وعن المحليات، أضاف السيسي: “المحليات بتقوم بدور كبير جدا جدا في الأداء اللي الدولة بتقوم بيه ومن 2011 المحليات تعتبر مجمدة وماتعملتش انتخابات، وطبعا احنا شايفين في كل حته في العالم إان اللي بيقوم بالدور الكبير في المراقبة والمتابعة هو المحليات”.
وتابع متسائلا: “طيب اللي إحنا شايفينه في مصر يعكس دورا وأداءً جيدا ومنضبطا وكفء ولا حاجة تانية؟”
قبل أن يجيب “لا طبعا، والدليل اتكلمت فيه إمبارح وقولت وإحنا ماشين لما بنشوف حجم التجاوز في البناء، أي مبنى بيتبني خارج الإطار أو تعدي من التعديات ده شغل المحليات، وأي نفقات للدولة زي موضوع المناجم والمحاجر في مصر ده شغل محليات .. وحاجات أخرى كتير”.
وقال: “الواقع بيقول إن عندنا في مصر مشاكل كتيرة في الأمر ده، أنا بس بأكد ليه إحنا حريصين على عقد الانتخابات في اقرب ممكن”
وأضاف: “سمعتوني وأنا بكلم الدكتور علي عبد العال (رئيس مجلس النواب) في هذا الموضوع وبقول إن إحنا متأخرين وكنت بتمنى إن الكلام ده نعمله خلال السنتين اللي فاتوا”.
واستدرك: “لكن اللي أقدر أقوله إن إحنا المفترض إن الحكومة تتقدم بقانون في الدورة القادمة للبرلمان وبالتالي يخرج القانون اللي هينظم العمل طبقا للدستور الجديد ثم تعقد الانتخابات المحلية”.
وكان الرئيس عبد الفتاح السيسى، افتتح مساء أمس الثلاثاء، المؤتمر الوطنى السابع للشباب، والذى يعقد لأول مرة فى العاصمة الإدارية الجديدة حيث يعقد على مدار يومين، الثلاثاء والأربعاء، بمشاركة نحو 1500 شاب من مختلف محافظات الجمهورية.
وشهد المؤتمر اليوم الأربعاء، الاحتفال بتخريج الدفعة الأولى من البرنامج الرئاسى لتأهيل الشباب الأفريقى APLP، والتى تضم مشاركين من 29 دولة أفريقية، والذين زاروا مؤخراً قناة السويس، وعقد المؤتمر الأول لمبادرة “حياة كريمة”.
قبل عقد جلسة “إسأل الرئيس”، الذى يجيب خلالها الرئيس عن تساؤلات الشباب التى تلقاها من خلال الموقع الإلكترونى وصفحات السوشيال ميديا للمؤتمر.
قبل عقد جلسة “إسأل الرئيس”، الذى يجيب خلالها الرئيس عن تساؤلات الشباب التى تلقاها من خلال الموقع الإلكترونى وصفحات السوشيال ميديا للمؤتمر.