قال الرئيس عبد الفتاح السيسي: “الناس استغربت قوي لما اتكلمت في رغيف العيش، قالت أنت بتتكلم في الموضوع ده ليه ، دى منظومة خلال ال 50 سنة اللي فاتوا اتعمل منظومات كتيرة كانت مترتبة على ظروف وأوضاع موجودة في الوقت ده”.
واضاف السيسي خلال افتتاح عدد من المشروعات في مدينة بدر : “الظروف دي مش ممكن تستمر أو نقبل أنها تستمر كده على طول، رغيف العيش لما زاد من قرشين إلى 5 قروش كان بيتكلف 18 قرشا ، ولما بقى 5 صاغ دلوقتى بيكلف 65 قرشا”.
وتابع السيسي : طب هو دخل الفرد في 2011 كان أقل من 400 و500 جنيه وبعدين وصلناه الي 1400 جنيه و بعدين 2400 جنيه الحد الأدني للمرتبات ، إذا بنحاول نواجه ارتفاع الأسعار وتحسين أحوال الناس ، مش انفاق بس ، إنما ضبط نمو سكاني .
وأشار السيسي الي الدكتور علي المصيلحي وزير التموين والتجارة الداخلية قائلا: الدكتور علي بيدرس دلوقتي موضوع الخبز ، الرغيف لما اتعدل سعره فضل 5 قروش وبيتكلف 18 دلوقتي و دلوقتي 5 قروش و بيتكلف 65 قرش ، و كان بيتوجه من 30 سنة لنحو 30 مليون مواطن ودلوقتي 70 مليون مواطن.
وأوضح السياسي أن الأعباء زادت في إنتاج رغيف العيش من حيث قيمة السلعة و حجم المستفيدين ، مشيرا إلى أنه سيصل عدد المستفيدين من رغيف العيش الي 120 مليون مواطن .