أشاد الرئيس عبد الفتاح السيسي، ببنك المعرفة ودوره، قائلا: “ماحدش عمل كده غيرنا في العالم”
جاء ذلك في فقرة اسأل الرئيس على هامش المؤتمر الوطني الثامن للشباب، الذي أقيم مساء السبت بالقاهرة.
وقال السيسي: “أنا قولتلكم مرة إن بنك المعرفة في 2016 لما أطلقناه .. دفعنا عليه على الأقل مبلغ كبير أوي بالمليار في السنة، علشان يتيح لكل مصر”
وأضاف: “إحنا حطينا بنك معرفة لكل من معاه تليفون يرى كل معارف الدنيا لو عاوز تعلم أولادك ويشوف حاجات خاصة بالاطفال بلغات مختلفة”.
وتابع: “ماحدش عمل كده غيرنا في العالم”.
وقال السيسي: “كان الكلام قاصر على الجامعات فقط، دلوقتي إحنا وفرناها لكل إنسان في مصر”.
وتساءل: “يا ترى مين مننا عارف، ومطلع، وبيحاول يستفيد او يخلي أولاده يستفيد من الموضوع ده؟”.
قبل أن يجيب: “مافتكرش كتير”.