تحدث الرئيس عبدالفتاح السيسي عن سعر رغيف الخبز، خلال افتتاحه اليوم الثلاثاء، المدينة الصناعية الغذائية “سايلو فودز” بمدينة السادات محافظة المنوفية فضلاً عن عدد من المشروعات الأخرى بمدن الدلتا.
وقال السيسى: “عاوزين ننظم حياتنا كويس، وعاوزين نطلع منتج محترم، وعاوزين نحترم آدمية الناس.. وعاوزين ننظم حياتنا بشكل فيه توازن”.
وأضاف: “مفيش حاجة تثبت على حالها بالطريقة دى على مدى 20 و30 سنة ونقول الرقم الخاص بسعر رغيف العيش ده محدش يمسه.. هقرب من رغيف العيش وبقولها على الهواء للعالم كله.. لأننا ناس جادين وشرفاء وأمناء.. وكمان نحمل أمانة الحفاظ على حياة الناس ومستقبلها.. هنا احنا مش بنأمن الجلوس على الكرسى.. احنا نحمل أمانة مصائر البلاد”.
وتابع السيسي: “رغيف العيش أبو 5 صاغ ده جه الوقت ان يزيد ثمنه، عشان مينفعش يبقى 20 رغيف بثمن سيجارة، واحنا بندور على تغذية سليمة، وانا بقول الكلام ده وانا اللي أشيله مش الحكومة، والكلام ده لازم نعيد تنظيمه”.
وتابع الرئيس السيسى: “الـ 8 مليار جنيه الخاصين بالتغذية لازم يتوفروا.. واحنا بنعمل برنامج “حياة كريمة” لتطوير الحياة داخل الريف.. ولازم يكون فيه عطاء متوازن.. أنا مش بتكلم على رقم كبير ولا حاجة”.