قال الرئيس عبد الفتاح السيسى، إن سيناء مسحتها ٦٠ ألف كيلو متر، مضيفا : “احنا في مصر عايشين على ٦٠ ألف كم تقريبا .. مصر كلها كسكان متجمعين على ٦٠ ألف كم بنحاول نزودها لكن عايد اقول سينا لوحدها مساحتها ٦٠ ألف وعلى مدى السنين ماتعملش تنمية فيها.
بنقول الكلام ده علشان نشكل للناس اللي بتسمعنا فهم ووعي .. الحرب بتاعت الإرهاب خلصت ؟ … لغاية دلوقتي فيه حجم افتراءات واشعات كبير آخرهم الكلام اللي اتقال بخصوص التفكير في بيع قناة السويس .. وقالوا هتتباع بتريليون دولار .. بعض النظر هتفضل عملية محاولة عرقلة البلد مستمرة وبالتالي محتاجين للوعي .. والوعي موجود ولو مش موجود الناس ماكنتش استحملت الأسعار الغالية .. أنا بعترف بده .. فيه تكلفة كبيرة للمعيشة
اللي اتعمل في سينا كان ممكن نأجله .. اتكلفنا نحو ٥٠ إلى ٦٠ مليار دولار .. ولو كنا هنبدأ دلوقتي تنمية سيناء كانت التكلفة هتكون أضعاف.
اللي فات كوم واللي جاي كوم تاني .. اتوعو تفتكروا أن بعض التضحية اللي قدمها أهالي سينا هنقول متشكرين بالكلام .. لا هنقزول متشكرين بالاهتمام .. ومش هيحصل أننا هنرضى باللي كان موجود قبل كده..
الفترة الجاية محتاجين من كل الشركات في سيناء تشتغل معانا ..
بنشكر أهالي سيناء وبنقول عزاءنا إن التمن اللي دفعه أهالي سيناء من تضحية أبنائهم .. هو ثمن تنقية للتخلص من الإرهاب.
جاءت كلمة السيسي خلال فعالية “تفقد اصطفاف المعدات المشاركة في تنفيذ خطة الدولة لتنمية وإعمار سيناء”، بمحافظة الإسماعيلية، بحضور رئيس مجلس الوزراء الدكتور مصطفى مدبولي ، والفريق أول محمد زكي القائد العام للقوات المسلحة وزير الدفاع والإنتاج الحربي ، وعدد من الوزراء وكبار رجال الدولة.