السيسي : بستعجل التنمية لأني خايف على المصريين والجماهير إذا تحركت مفيش قوة توقفها (فيديو)

مخرجات الأكاديمية الوطنية لتدريب وتأهيل الشباب حتى الآن جيدة

السيسي : بستعجل التنمية لأني خايف على المصريين والجماهير إذا تحركت مفيش قوة توقفها (فيديو)
مؤمن عبدالمجيد

مؤمن عبدالمجيد

5:08 م, الثلاثاء, 17 ديسمبر 19

قال الرئيس عبد الفتاح السيسي إن تعجله في مشروعات التنمية كان نابعا من “خوفه على المصريين”.

وأضاف السيسي خلال لقاء مفتوح على هامش منتدى شباب العالم بشرم الشيخ، اليوم الثلاثاء: “لما حصل التقاتل مع داعش في العراق كل الطاقات هناك اتجندت لهذا الأمر، زمايلي في الحكومة هنا كانوا شايفيني عندي استعجال شديد ليه مستعجل كدة ؟، لأن أنا كنت خايف على المصريين ألا يتحملوا الظرف الصعب وبالتالي إذا تحركت الجماهير مفيش حد يقدر يوقفهم مهما كان قوته، وشوفته ايه اللي بيحصل في حال التعامل العنيف مع الجماهير”.

وتابع السيسي : الشباب عايز يعيش، طيب لو الدول ماخدتش بالها وماجريتش تنمي في نفسها وتعمل فرص لشبابها الشباب هيتحرك لا محالة، هو في الآخر عايز فرصة، بندرب الشباب الأفارقة على تولي المسئولية في الأكاديمية الوطنية للتدريب والتأهيل، وأي تجربة عندنا هي متاحة للجميع لأننا نتمنى أن الدول كلها تبقى متقدمة ومتطورة وعمر ماحد بيتقدم على حساب حد.

وأضاف: المخرجات حتى الآن كويسة وبنتمنى تتحسن أكتر من كدة، ده ردا على سؤال مخرجات الأكاديمية الوطنية لتدريب وتأهيل الشباب.