حذر الرئيس عبد الفتاح السيسي، الخميس، من الكذب الذي تشهده مواقع التواصل، مؤكدا أنه يقتدي بالنبي ولم يكذب حتى في مكانه الآن، متسائلا “يا ترى الدين بيقول إيه في الكذب اللي بنشوفه، ويا ترى واحنا بننقل كلنا عن بعض من مواقع التواصل الاجتماعي دون إدراك”.
السيسي يؤكد أن النبي نجح بالصدق وهو يقتدي به
وأضاف في كلمته بمناسبة ذكرى المولد النبوي: “بالمناسبة يعني من سنين طويلة فاتت الناس اللي تعرفني كويس تعرف إن عمري ما كدبت”.
وتابع: “حتى وأنا موجود في المكان اللي هو بيقولوا عليه أهل السياسة اللي بيحتاج لوع وحاجات من دي، مفيش كلام من ده”.
وأرجع ذلك إلى أن “النبي محمد صلى الله عليه وسلم قاد وكان كده، ونجح علشان كده”.
الرئيس يؤكد أن خراب الإرهابيين “مش هينتهي”
وقال: “خراب الارهايين مش هينتهي أبدا غير لما يكون عندنا القناعة الأولى”.
وأضاف: “إحنا كلنا إذا كنا بنتكلم عن أهل دين وسياسة وأسر في البيت، كل إنسان عنده أولاد أو أسرة إزاي هيغرز فيهم المناعة ضد الفكر ده”.
وأضاف: “بقولكم الكلام ده، لأننا لغاية دلوقتي فيه ناس (بتكدب) عن طريق شبكات التواصل”.
وأكد أن “عمر الأمم ما هتطلع لقدام بالطريقة دي”.
أزمة في البيوت
وتابع: “إذا ماكناش إحنا كمصريين محتاجين نعلم أبناءنا علشان يبقوا أسوياء”.
وسرد السيسي مثالا قائلا: “تصوروا لما تلاقوا .. مثلا بيت انفصل الزوج والزوجة بتاعته، ويجدوا الأم والأب في خصومة”.
وقال إن “الكلام ده يتم بناؤه وغرسه من غير قصد في نفوس الأبناء”.
وتساءل: “يا ترى الأبناء دي هتطلع أسوياء؟”، مجيبا: “أبدا”.
وأكد أن “قمة عطاء الأسرة في حالة الانفصال وعدم التفاهم دي إنهم يخلوا بالهم إنهم عايزين يطلعوا ابنهم أو بنتهم على درجة عالية من السواء”.
وقال: “تصوروا ان الكلام ده في فهمنا لديننا عامل ازاي ؟”
السيسي يحذر من النفوس المريضة ويؤكد أن لديه إرادة لا تلين
وأضاف: “علشان كدة اوعوا تفتكروا لما قولت يوم 24 يوليو 2013 الكلمة اللي هي بتاعت الإرهاب وعاوز تفويض .. كتير قالوا ساعتها كانوا مش مقدرين الدعوة .. المنهج عندهم كدة يا نحكمهم يا نقتلهم .. فاحنا كنا رايحين للحرب”.
وتابع: “لما عملتوا 30 يونيو يمكن ماكنتوش عارفين إننا رايحين لكده، النفوس مريضة، وقلوبهم مريضة لا يمكن أن تكون قلوب سوية وتؤمن بالله تعمل في الناس كده”.
وتابع السيسي: “وعشان كدة بقول لكل اللي بيسمعني مش للأزهر والأوقاف بس، أنا عندي إرادة لا تلين في مواجهتهم من حديد”.
وقال السيسي: “بالمناسبة أنا بواجه في إطار لجل خاطر الدين، الدين كل الدين”.
السيسي يؤكد أن ما يحدث له تأثير كبير جدا على فكرة الأديان والاعتقاد
وأكد أن “اللي بيحصل ده كان له تأثير سلبي كبير جدا على فكرة الأديان والاعتقاد في الله سبحانه وتعالى”.
وقال إن “الناس اتشككت إيه القيم والاديان اللي تطلع وتقتل في الناس بالطريقة دي”.
وقال: “بقولكم شوفوا اللي بيحصل كل يوم وانتوا تعرفوا إنكم في قتال ونضال مستمر”.
وأضاف: “شوفوا كل يوم فيه حكاية .. كل يوم فيه حكاية”.
وتابع “أنا والله ماعرف هيقابلوا ربنا بالكدب ده كله ازاي .. ده كدب كتير اوي .. ربنا يكفينا شر انفسنا وشرهم”.
ندوة لكل أطياف المجتمع
وقال: “أرجو إن الندوة اللي اتكلمنا فيها مع فضيلة أمام الازهر ووزير الاوقاف تبقى لكل أطياف المجتمع”.
وأشار إلى أهمية وجود “سياسي وثقافي واقتصادي واجتماعي وحتى أمني”
وتابع: “نتكلم ونشوف مش بس هتبقى عبارة عن ندوة دينية”.
وقال: “تقعد يوم اتنين تلاتة نحضر فيه ونسمع ونتعلم علشان نعرف إن الشأن العام أمر مختلف كتير أوي عن المفهوم الفردي حتى المفهوم الجمعي والمسؤولية علينا كمجتمع”.