السيسي: القوات المسلحة مسؤولة عن تأمين مشروعات التنمية في سيناء لأن الإرهابيين مش عايزين (فيديو)

المحطة الجديدة لمعالجة المياه في الحمام بمطروح لا توجد بها قوات لتأمينها

السيسي: القوات المسلحة مسؤولة عن تأمين مشروعات  التنمية في سيناء لأن الإرهابيين مش عايزين (فيديو)
محمد مجدي

محمد مجدي

1:44 م, الأثنين, 27 سبتمبر 21

قال الرئيس عبدالفتاح السيسي، رئيس الجمهورية، “أنا بس عايز أوضح للناس اللي بتتفرج علينا هنا أن أنت عايز تنقل المياه دي أكتر من 100 كيلو متر، شوف العمل الهندسي والمنشآت والمواد اللي داخله اللي هي شبكة الري، بصوا عشان يتعمل الكلام ده بيتعمل زي نفق بشكل أو بآخر ترعة تانية بتتحط فيها مواسير وبعدين تتأمن كويس أوي وتتردم وبعدين المياه توصل.

وأضاف السيسي خلال افتتاح مشروع معالجة مياه الصرف الصحي في بحر البقر، “انتوا عرفتوا ليه الإرهاب في سيناء، عرفتوا ليه، عشان ده ميتعملش، عشان تفضل كده الحرب حربين، حرب ضد الإرهاب وحرب البناء”.

وتابع: “أن كل تلك المواسير تكلفتها بالمليارات عشان في الآخر نقدر نقول إن سيناء بقي فيها تنمية حقيقية، طب أنا بقولكم الكلام ده، القوات المسلحة مسؤولة عن تأمين الأعمال دي لأن الإرهابيين مش عايزين”.

وأشار السيسي إلي أن المحطة الجديدة لمعالجة المياه في الحمام بمطروح التي يتم تنفيذها لا توجد بها قوات لتأمينها لأن لا يوجد بها خطر، بينما سيناء كل خطوة يتم عملها تحتاج تأمين لأنه صراع ما بين الإرهابين والأشرار والتنمية في سيناء.

وأكد السيسي أن هناك قوات تأمن تلك المشروعات حتي تنتهي وقد تستمر بعد ذلك في تأمينها في حالة الاحتياج إلي ذلك .