قال الرئيس عبدالفتاح السيسي إنه في حالة شراء المواد البترولية وتسعيرها بسعرها الحقيقي سيكون السعر مختلفًا عن الوقت الحالي، مشددًا: «عندنا مشكلة في الطاقة، والدولة تدبر 20 مليار دولار من أجل موازنة السعر».
وأضاف الرئيس السيسي خلال حديثه على مأدبة غذاء على هامش احتفالية عيد الشرطة الـ73، وعرضتها قناة «إكسترا نيوز»: «مهم جدًا وأنت بتتكلم في الموضوع بتاع مصر يكون عندنا سياق، من أجل مناقشة القضية نقاش موضوعي، وبدون ذلك سيكون الحديث غير صحيح وغير موضوعي».
وتابع: «الدولة اللي فيها العدد ده كله عاوزه 10 ملايين طن قمح، و13 طن ذرة، وفول صويا وزيت طعام، سواء داخل مصر أو خارجها»، موضحا: «الأزمة دي مكانتش موجودة في فترات سابقة من عمر الدولة المصرية، لأن حجم الطلب على الدولار والعملة الحرة لم يكن كبيرًا لأن الريف المصري بحجمه كان قادرًا على تلبية مطالب الشعب المصري كله».
وذكر الرئيس عبد الفتح السيسي، إن هدفنا تزويد قدرتنا، واعتبر احتياجتنا معركة ضد نقص الدولار، نحن نشوف أي حل مقترح لأننا أصحاب مصلحة لحل المسألة، معقبا: «بمجرد ما ربنا يحلها هنبقى في حتة تانية».
وأردف: «هنبقى في حتى تانية سببين، أقلل بقدر ما أمكن فاتورة الاستيراد، والسبب التاني لو في فرصة أنتج وأصدر، واعتبر في الأول أنهي الطلب بتاع الدولار من برة، دا هدف إستراتيجي لنا وهدف رئيسي للدولة، وتصفير الفارق بين طلبنا للدولار وانفاقنا للدولار».
وواصل: «السنوات اللي فاتت مصر سنة 89 أو 90، كان حجم الدين قدي أي؟… لغاية سنة 70 مكانش في دين لمصر، وتداعيات ما بعد الحرب 62 و67 ، بقا في طلب، وابتدت المديونية في الوقت دا تزيد، والدولة لما حبت تطور البنية الأساسية لأن حصل توقف تام من سنة 67 إلى 77، وبعد ذلك كان لابد عمل بنية أساسية تناسب على الأقل السكان الموجودة بها».