كشف الرئيس عبد الفتاح السيسي، الخميس، لأول مرة تفاصيل حديث بينه وبين الرئيس المؤقت السابق عدلي منصور بشأن الترشح للرئاسة.
السيسي : دعيت الرئيس عدلي منصور أكثر من مرة للترشح ورفض
وقال السيسي في كلمته بمناسبة الاحتفال بذكرى المولد النبوي: “هقول كلام مش عارف فخامة الرئيس عدلي منصور هيزعل مني ولا لا انتم”.
وذكر عن واقعة في عهد منصور قائلا إنها وقعت: “قبل الانتخاب والترشح كتير من الناس قالوا هو ليه مش عايز يقدم”.
وأضاف: أنا اتحايلت على فخامة الرئيس عدلي منصور في الفترة دي شهور أنه يترشح هو وأكون أنا في مكاني زي ما أنا”.
وتابع: “أنا بقول الكلام ده وانا عارف إن ممكن أفخامة الرئيس عدلي منصور يزعل مني”.
الكل زاهد
وقال: “أنا بقوله علشان تعرفوا إن الكل زاهد فيها، الكل زاهد فيها؛ لأنه تحدي كبير جدا سواء كان دنيا أو دين”.
وتابع”أقول تاني، شهور، وأنا أقوله من فضلك سنة عدت اترشح تاني وأنا افضل مكاني”.
وذكر أنه قال للرئيس السابق: “هعمل كل اللي ممكن يتعمل لجل خاطرها .. خاطر مصر ولجل خاطرك”.
وتابع قائلا: “قالي لا يمكن هي كده تمام وكفاية كده”.
السيسي: الحكاية مش حكاية رئيس ونظام
وقال السيسي: “صحيح .. انا بقول الكلمة دي علشان تعرفوا ان الحكاية مش حكاية رئيس ونظام”.
وقال: “ده كلام على الأقل بالنسبة لي مش موجود إن شاء الله”.
وأضاف مؤكدا أنها “قضية أمة وقضية الدفاع عنها والجري على أقصى ما يمكن علشان تتحط في المكان اللي تستحقه”.
وأرجع الأمر أيضا لمواجهة قائلا: “ومن الناحية التانية مواجهة الشر وأهله”.
وأضاف: “أنا مش هنسى الشر وأهله، مابنساهوش، لا دلوقتي ولا من سنين طويلة فاتت”.