السيسي : أنا مش مع تعطيل الدولة ووقف الحياة «فيه ملايين بتشتغل»

مستعدون لأي إجراء لحماية أبنائنا

السيسي : أنا مش مع تعطيل الدولة ووقف الحياة «فيه ملايين بتشتغل»
محمود خاطر

محمود خاطر

4:54 م, الثلاثاء, 7 أبريل 20

أكد الرئيس عبد الفتاح السيسي أهمية استمرار العمل في البلاد، مشيرا إلى أنه لا يريد تعطيل الدولة، خاصة مع وجود الملايين من العمال.

وقال السيسي خلال تفقد استعدادات القوات المسلحة لمواجهة : أنا مش مع إن إحنا نعطل عمل الدولة المصرية ونوقف الحياة كاملة .. لا ده خطير جدا.

وتابع السيسي : فيه ملايين من الناس بتشتغل في الدولة وإحنا قولنا فيما يخص الدولة نخفض الأعداد اللي بتحضر.

وأضاف الرئيس: ما تقلقوش.. مستعدين ناخد أي إجراء علشان نأمن ولادنا .. زي لما خدنا قرار تعطيل الدراسة.

واستكمل:  كبار السن والسيدات .. إحنا بنحاول نقلل الأعداد في المصالح الحكومية وندفع بالشباب والرجال وصغار السن ما أمكن للعمل .. إحنا في أزمة كبيرة .. لما قولت 100 مليار جنيه مخصصات لمواجهة الأزمة … إحنا 100 مليون .. لو اديت لكل إنسان منهم ألف جنيه .. هيروح الـ 100 مليار .. لكن فيه حاجات تانية بتتعمل كتير .. الحاجات دي مابتجيش ببلاش.

وقال: أنا والله عمري ما قولتلكم حاجة وماكنتش صادق فيها… افتكروا على مدى الـ 6 سنين اللي فاتوا إيه الوعد اللي قولته ومانفذتوش .. وإن شاء الله كل وعد نوعده هننفذه بيكم . بينا مع بعض كلنا.

كان الرئيس السيسي قد تفقد ميدانياً صباح اليوم العناصر والمعدات والأطقم التابعة للقوات المسلحة المخصصة لمعاونة القطاع المدني بالدولة لمكافحة انتشار فيروس كورونا المُستجد

كما اجتمع الرئيس السيسي اليوم مع الدكتور مصطفى مدبولي رئيس مجلس الوزراء ، ومحافظ البنك المركزي ، ووزراء السياحة والآثار ، والتخطيط والتنمية الاقتصادية ، والتعاون الدولي ، والمالية ، وقطاع الأعمال العام ، والطيران المدني ، والتجارة والصناعة، ومستشار رئيس الجمهورية للشئون المالية ، ونائب وزير المالية للسياسات المالية ، ووكيل محافظ البنك المركزي .

وصرح المتحدث الرسمي باسم رئاسة الجمهورية بأن الاجتماع تناول استعراض تداعيات أزمة فيروس كورونا المستجد من الناحية الاقتصادية ، والإجراءات الحكومية في هذا الصدد للتعامل معها والتخفيف من آثارها على المواطنين والقطاعات المتضررة .