علّق الرئيس عبد الفتاح السيسي خلال لقاء مفتوح على هامش منتدى شباب العالم بشرم الشيخ 2019، اليوم الثلاثاء، على مسألة الانفصال داخل الدول.
وقال السيسي ردا على حديث فتاة كردية: هكلمك كمسئول لو عندي مجموعة عايزة تنفصل عن الدولة ده أمر الأمن القومي لا يقبله بغض النظر عن وجاهة الطرح.. لا يقبل، أنا مش عايز أجيب أسماء دول انفصلت بالفعل وقيل لها بمجرد ما تنفصل سيكون كل شيء متاحا .. الدولة بصفة عامة قدراتها كبيرة جدا.
وأضاف: لو أنا دولة مساحتها 2 مليون كيلومتر وليا جيش وحكومة واحدة، لما ينقسم لاتنين ده يتضرب في اتنين، طب هل قدارتنا قابلة لده ولا هتبقى دول هشة وضعيفة وغير قابلة للاستمرار.
وتابع السيسي : أنا مسالم جدا لكن مش معنى كدة إن أنا مش مقاتل، لا أنا مقاتل في المعارك بأشرس مما تتصوري، لكن أبدأ بالسلام والإنسانية.
واستطرد : طب النهاردة النتيجة بعد 50 سنة ايه ؟ .. ايه اللي حصل وكم قتل وكم من المقدرات راحت، الطرح ده بيتطرح على الشعوب بالمناسبة في كل المجتمعات، ممكن الصعيدي يقول أنا صعيدي وعايز أبقى مختلف، لو حد ذكي جوا المجتمع المصري وله اتجاه معين وغذاه واختار من جواه من يكون بالتنظير والعمل عليه هيحصل مشكلة.
واستكمل السيسي : يوغوسلافيا دي كانت دولة واحدة بقوميات مختلفة طب مانفصلتش ليه، والرئيس تيتو كان بيعمل ايه، وكان إنصافه وتعامله معاه كنسيج واحد وهذا الأمر انعكس على تماسك دولة هتعرفوا أن ده قابل أنه يعيش، اللي حصل في التاريخ ده كان قدر وأنا طيع مع القدر لكن اللي بتعملوه دلوقتي انتو مسئولين عنه وتتلقوا نتايجه، خلي عملكو كله هو البناء والسلام لا الهوية هتطمث بالعكس.
وقال: كان كل الغضب والألم المعمول في سوريا والعراق يتحول إلى طاقة عمل وبناء وتعمير، أفكار بتطرح علشان الأمم تاكل بعضها وتدمر مقدراتها على مدار سنوات طويلة جدا، الإرهاب كفكرة اتعملت فقط علشان تبقى عبارة عن دول تموت في نفسها علشان لا ده ينجح ولا ده ينجح .. الإرهاب في مصر مثلا بيعجز من طاقة مصر للحركة للأمام .. لكن كنتيجة حاسمة أنه يحصل على مصر غير قابل للنجاح.. مفيش مشروع ممكن ينجح أبدا مبني على الاقتتال والخراب .. المشروع اللي ينجح يبقى مبني على البناء والتعمير والسلام والاستقرار .. عمري في عمر الدول مش كتير لكن الدول بتعييش آلاف السنين. لما نيجي نتكلم عن الفكرة بتاعت الاقتتال من أجل الهوية كثير يراها مشروعة وأنا بقول أن هي محتاجة تتصوب حتى لا تضيع الأمل في مستقبل أفضل لسنين طويلة قادمة.