قال الرئيس عبدالفتاح السيسي، إن عدم وجود رقمنة للدولة المصرية خلانا مش شايفين كويس، و الكلام ده استمر سنين، وبياناتنا مش واضحة، وبالتالي حصل استقرار لواقع مش دقيق ومش مظبوط، واستقرار لواقع الفساد.
وأضاف “السيسي” خلال كلمته اليوم: أنا قلت لدكتور مصطفي مدبولي رئيس الوزراء قبل كده أنا ليا بطاقة في المنيا باسمي بيصرف بيها، والله أنا بتكلم بجد بيصرف بيها الكلام ده، وفي ناس موجودة مش بتاخد البطاقة فعلًا، وهي مش عايزاها صحيح، وهي مستخدمة في حتة تانية وأماكن اخرى.
وتابع “السيسي” أن الرقمنة اللي احنا بنوصل ليها الهدف منها ابقي شايف كويس ومصنف المجتمع كويس عشان البلد تعطي كل انسان حقه، وأنا لما وقفت الموضوع ده من سنتين عشان نعطي الناس حقوقها.
جاء ذلك خلال افتتاح الرئيس عبد الفتاح السيسي اليوم مجموعة مشروعات إسكان بديل للمناطق غير الآمنة، وذلك عبر الفيديو كونفرانس، وأبرزها مشروع “أهالينا 2″، والذي بلغت تكلفته حوالي 1.1 مليار جنيه على مساحة 15 فدانا بإجمالي 34 عمارة سكنية.