السيسى : أتابع تعليقات الفيسبوك بخصوص سد النهضة وفيها مبالغات

وقال الرئيس اتفقنا فى نقطة أخرى أننا إذا لم نتوصل لاتفاق يدخل وسيط رابع معنا لحل هذا الموضوع ، ده الموضوع باختصار وده المسار اللى متحركين فيه من ساعتها لحد دلوقتى .

السيسى : أتابع تعليقات الفيسبوك بخصوص سد النهضة وفيها مبالغات
منتصر عبد الجابر

منتصر عبد الجابر

2:39 م, الأحد, 13 أكتوبر 19

قال الرئيس عبد الفتاح السيسى ردا على ما أثير عنعلى موقع التواصل الاجتماعى فيسبوك : ابتدينا نتحرك بعد ما توليت المسؤولية وفى مارس 2015 كان فيه لقاء بين القيادة السودانية والإثيوبية فى الخرطوم واتفقنا على اتفاق إطار أهم ما فيه نقطتان .. الأولى هى اسلوب ملء الخزان وتشغيله فى سياق أن هذا الأمر وهذا الخزان علشان يولد كهرباء لازم يبقى فيه حجم من المياه ورا السد فاحنا عايزين نتفق على آلية الملء بما لا يضر مصر ضرر بالغ .

وأضاف السيسي خلال الندوة التثقيفية الـ 21 للقوات المسلحة، بعنوان “أكتوبر إرادة وتحدي”: اتفقنا فى نقطة أخرى أننا إذا لم نتوصل لاتفاق يدخل وسيط رابع معنا لحل هذا الموضوع ، ده الموضوع باختصار وده المسار اللى متحركين فيه من ساعتها لحد دلوقتى .

طيب لازم اللى يحدد ده لجان فنية تقدر تقول حجم الضرر اللى ممكن مصر تتحمله وحجم اللى ممكن مصر توافق أن يتم حجزها .. ولكام سنة كان المطلوب دراسة هذا الأمر من اللجان الفنية فى الدول الثلاث .. خلال السنوات الثلاث اللى فاتت ماقدرناش نوصل لاتفاق فى هذا الموضوع .. ودايما يا مصريين تعاملوا مع المشاكل بهدوء وحكمة .

أنا كنت متابع تعليقات فيسبوك أو الاجتماعى بخصوص هذا الموضوع لقيت اننا كنا مبالغين جدا جدا فى ردود أفعالنا القضية مابتتحلش كده .. بتتحل بالحوار والهدوء وبيبقى فيه دايما سيناريوهات مختلفة للتعامل مع الموضوع .. بدأنا نقول يا جماعة طالما مش عارفين نوصل لاتفاق نخلى طرف آخر معانا نحتكم اليه ونسمعله ونشوفه هنعمل إيه.

جاءت تصريحات الرئيس السيسى خلال الندوة التثقيفية الـ 31 بمركز المنارة بالتجمع الخامس التى نظمتها فى قاعة المنارة بعنوان: “أكتوبر إرادة وتحدى” والتى شهدها الرئيس وحضرها أبطال فيلم الممر.