قال الرئيس عبد الفتاح السيسي رئيس الجمهورية: عندي كلمة واحدة عايز أقولها للناس .. ده اللي احنا عملناه وعندكم فرصة للتغيير في الانتخابات اللي جاية .. أنا بتكلم بجد عندكم فرصة للتغيير.. الأمر كله لله واللي له حاجة هياخدها.
جاء ذلك خلال فعاليات مؤتمر حكاية وطن بين الرؤية والإنجاز المنعقد الآن في العاصمة الإدارية الجديدة.
وأضاف السيسي: اللي قاله الدكتور مصطفى في كل نقطة من النقاط اللي اتكلم فيها نقدر نتكلم فيها ساعات .. هقول واحدة فقط خاصة بقناة السويس .. لأن الكلام ده كان بيتعمل وانت مش بس بتجارب الإرهاب لكن وسط أبواق افتراءات وكذب وشائعات تقدح في كل مسار بتعمله.
وتابع: وانت بتعمل كده بيتم الإساءة لك والمسؤولين وأسرهم .. ولكن لا بأس كل كلمة كدب ليها أجر وكل إساءة ليها أجر.. إذا كنا بنؤمن بالله وبإن فيه يوم هنقف وهنتحاسب .. كل التفاصيل الإفك والمكر اللي اتعملت على مصر آخر 10 سنين .. و اللي كانت امتداد لبناء حالة من عدم الثقة للاإسان المصري.
واستكمل الرئيس السيسي قوله: لما أقول على عمل عمله مسؤول إن العمل ده منقوص أو فاسد أو غير مدروس أنا بظلمه وبظلم جهده وعمله وبحط ع العمل بتاعه تراب.
حد يقول عندكم فرصة في الانتخابات؟ .. بسم الله الرحمن قل الله مالك الملك تؤتي الملك من تشاء وتنزع الملك ممن تشاء وتعز من تشاء وتذل من تشاء بيدك الخير إنك على كل شىء قدير.
وأضاف السيسي: ماحدش هيدي حد حاجة ولا حد هياخد من حد حاجة .. يا ترى فيه يقين حقيقي على الله وأن الأمر كله بيد الله .. النصيب ده بتاع ربنا.